*Shan e Hazrat e Usman Ghani Part 6*
Hazrat Basheer Aslami Razi Allahu Tala Anhu Bayan Karte Hain Ke Jab Muhajireen Makkah Mukarrama Se Madina Munawwara Tashrif Laye To Unhe Pani Ki Qillat Mehsoos Hui Aur Qabila Bani Gaffar Ke Ek Aadmi Ke Pas Ek Chashma Tha Jise Rooma Kaha Jata Tha Aur Wo Us Chashma Ke Pani Ka Ek Qirba Ek Mud Ke Badle Me Bechta Tha, Pas Aap ﷺ Ne Farmaya Ke Mujhe Ye Chashma Jannat Ke Chashme Ke Badle Me Beech Do To Wo Aadmi Kehne Laga Ya Rasool Allah ﷺ Mere Aur Mere Aayal Ke Liye Iske Alawa Aur Koi Chashma Nahi Hai Isliye Me Aesa Nahi Kar Sakta Pas Ye Khabar Hazrat Usman Ghani Razi Allahu Tala Anhu Ko Pouchi To Aap Huzoor Nabi e Kareem ﷺ Ki Khidmat Me Hazir Hue Aur Arz Kiya Ya Rasool Allah ﷺ Agar Me Is Chashme Ko Khareed Lu To Kya Aap Mujhe Bhi Iske Badle Me Jannat Me Chashma Ata Farmayenge Jis Tarah Us Aadmi Ko Aapne Farmaya Tha To Aap ﷺ Ne Farmaya Ata Karunga To Is Par Hazrat Usman Ghani Ne Arz Kiya Ya Rasool Allah ﷺ Wo Chashma Mene Khareed Kar Musalmano Ke Naam Kar Diya Hai.
📚 *Reference* 📚
*1.* Tabrani, Al Muajjam Al Kabeer, Jild 2, Safa 41, Hadees No 126.
*2.* Haythmi, Majma ul Zawa’id, Jild 3, Safa 129
*3.* Asqalani, Asbaat, Jild 2 Safa 543.
Aal-e-Qutub Aal-e-Syed Abdullah Shah Ghazi 