Munkir-e-Wilayat-e-Ali (as) par Azaab E Ilaahi

Munkir-e-Wilayat-e-Ali (as) par Azaab E Ilaahi

Aelan-e-Ghadir ke baare mein Nabi-e-Azam (saww) par shak karne wala munafiq sahabi wahin wasil-e-jahannum ho gaya.

Harith bin Nu’man Fahri ne jab Ghadir-e-Khum ke maidan mein “Man Kuntu Mawla” ka aelan suna, apni oontni par charh kar Rasool-e-Khuda (saww) ke paas aaya aur kahne laga: “Ae Muhammad (saww)! Aapne ‘La ilaha illallah’ kaha aur humne maan liya, aapne khud ko Allah ka Rasool bataya aur humne woh bhi maan liya, aapne namaz, roza, hajj aur zakat ka hukm diya, humne woh bhi qabul kiya. Lekin aap is par bhi raza nahin hue aur jate jate hum par apne bhai Ali ko humara maula banaaye ja rahe hain. Kya yeh hukm haqeeqat mein Khuda ki jaanib se hai ya phir aapne apni jaanib se gutha hai?”

Rasool-e-Khuda (saww) ne farmaya: “Us zati ki qasm jiske siwa koi ma’bud nahin, yeh hukm Parwardigar ki jaanib se hai.”

Harith yeh kahte hue mura ki: “Ae Allah! Agar yeh sach keh rahe hain to abhi ke abhi aasman se patthar barasa ya koi aur azab le aa, tak ki sach zahir ho jaye.”

Uska kahna tha ki aasman se Allah ne ek patthar nazil kiya jo uski khoopri mein laga aur woh wohin wasil-e-jahannum ho gaya.

Isi par yeh ayat nazil hui: “Sa’ala sa’ilun bi-azabin waqi’ lil-kaafirina laysa lahu dafi’un.” (Surah Al-Ma’arij, Ayat 1)

Tarjuma: “Mataliba kiya ek sa’il ne aise azab ka jo ho kar rahega. (Woh sun le yeh taiyar hai) kafaron ke liye, ise koi taalne wala nahin.”