“Sayyeda Fatima Salamullah Alaiha Woh Hasti Hein Jinke Qaside Khud Quran Padhta Hai”
Imam Jafar al-Sadiq Alayhissalam Ne Bayan Kiya Ke Sayyeda Fatima Salamullah Alaiha Ke Pas Kuch “Jau” Maujud Tha Aapne Apni Nazar Puri Karne Ke Liye Roza Rakha Aur Us “Jau” Se Halwa Tayyar Kiya Jab Ghar Wale Halwa Khane Ko Baithe Toh Ek Miskin Aapke Dar Par Aaya Aur Usne Kaha Khuda Ke Liye Mujh Par Raham Karein Sayyeda Zahra Ne Ek Tihayi Halwa Usko De Diya, Chand Lamho’n Baad Ek Yatim Aagaya Aapne Ek Tihayi Halwa Usko Bhi De Diya Phir Kuch Der Baad Ek Qaidi Aaya Aapne Baqi Halwa Bhi Usey De Diya Aur Baghair Halwa Tanawul Kiye He Allah Ka Shukr Ada Kiya Ispar Unki Shaan Mein Ye Aayat Nazil Huyi.
“Aur Woh Jo Apni Nazar Puri Karte Hein Aur Apna Khana Allah Ki Mahabbat Mein Miskin, Yatim Aur Qaidi Ko Khilate Hein Aur Kehte Hein Ki Hum Toh Mehez Khuda Ki Khushnudi Ke Liye Khilate Hein Pas Unka Rabb Unko Qayamat Ki Sakhti Se Mahfuz Rakhega Aur Unke Is Sabr Ke Badle Unko Bahisht Mein Reshmi Poshak Ata Karega”.
(Surah Ad-Dahr, Aayat-8,9,10,11,12)
(Tafsir Ali Ibn Ibrahim al-Qummi, Safah-1122, Isnad-Sahih)
Aal-e-Qutub Aal-e-Syed Abdullah Shah Ghazi 