Sayyedna Abu Talib Ki Sayyedna Hamza Alayhimas-Salam Ko Nasihat

“Sayyedna Abu Talib Ki Sayyedna Hamza Alayhimas-Salam Ko Nasihat”

Sayyedna Abu Talib Alayhissalam Farmate Hein Aye Hamza! Muhammad (ﷺ) Ke Deen Par Puri Isteqamat Aur Mazbuti Se Qaym Rehna Aur Sabr Ka Daman Tham Ke Rakhna Balke Is Deen Ko Dusre Logo’n Par Zahir Karne Mein Bhi Kotahi Na Karna Is Silsiley Mein Allah Tumhein Sabr O Istiqamat Ki Taufiq Farmaye!


Aur Muhammad (ﷺ) Allah Ta’ala Ke Haan Se Haq Aur Sadaqat Ke Saath Deene Barhaq Lekar Aaye Hein Uski Mukammal Taur Par Hifazat Karna Aur Aye Mere Biradar Hamza! Ye Deene Barhaq Jiske Tum Pairo Kaar Ho Chuke Ho Usse Phir Na Jana, Aye Mere Pyaare Bhai Jab Tumnein Mujhe Apne Musalman Ho Jane Ki Khush Khabri Sunayi Toh Mujhe Is Qadar Masarrat Hasil Huyi Jo Had-e-Bayan Se Bahir Hai.

Ab Tum Allah Ki Khushnudgi Hasil Karne Ke Liye Muhammad (ﷺ) Ki Pure Tareeqe Se Madad Aur Khair Khwahi Karte Rehna Aur Jis Deen Ko Tumne Qubul Karliya Hai Uske Mutaliq Ahle Quresh Ko Khabardar Karo Aur Aylaniyah Taur Par Unlogo’n Ko Bata Do Ke Muhammad (ﷺ) Jadugar Nahi Hai.

(Diwane Abu Talib, Safah-15)

(Sharh Ibn Abi al-Hadid, Safah-315)