#2nd #RabiUlAwwal Ahle Bait E RasoolAllah Alaihim Afdalus Salwatu Wasalam Ki Madina Mai Aamad aur Madina Mai Ek Qayamat Ka Manzar 😭
Sayyeda Zainab E Kubra Salamullahi Alaiha Imam Zainul Aabideen Ali Ibne Hussain Alaihisalam Aur Ahle Bait Paak Alaihimusalam Ka Kafila Bargaah E RasoolAllah SallAllahu Alaihi wa Aalihi wa Sallam Madina Sharif Mai 💔
Jab Kafila Madine Ke Karib Pohancha To Sayyeda Zainab E Kubra Salamullahi Alaiha Ke Huqm Par Kafile Ko Madine
Ki Sarhado Par Hi Rok Diya Gaya.
Imam Zainul Aabideen Ali Ibne Hussain
Alaihisalam Ne Nauman Bin Basir RadiAllahu Anhu Ko Bulaya Aur Kaha Ke “Jaao Aur Madine Walon Ko Shahadat E Imam Hussain Alaihisalam Aur Hamare Aane Ki Ittela Karo .”
Nauman Bin Basir RadiAllahu Anhu Sawar Ho Kar Madina Sharif Rauza E Rasool SallAllahu Alaihi wa Aalihi wa Sallam Ke Paas Ja Kar Rote Huwe Sabko Khabar Sunai Ahle Madina Jamat Dar Jamat Daudte Huwe Kafila E Ahle Bait Alaihimusalam Ke Paas Jaane Lage Har Taraf Rone Aur Ya Hussain Alaihisalam Ki Sadain Buland Thi.
Ahle Bait Paak Alaihimusalam Ke Kafile Ki Khabar Pohanchi To
Ummul Momineen Sayyeda Umme Salma Salamullahi Alaiha,
Hazrat E Sayyeduna Abdullah Ibne Jafar RadiAllahu Anhu,
Hazrat E Sayyeduna Muhammad Ibne Hanafiyya RadiAllahu Anhu Ibne Imam Ali Alaihisalam
,
Umme Luqman Binte Aqeel RadiAllahu Ta’ala Anha Aur Sab Rote Huwe Madina Se Bahar Aakar Imam Zainul Aabideen Ali Ibne Hussain Alaihisalam Aur Sayyeda Zainab E
Kubra Salamullahi Alaiha Ke Paas Aa Kar Rone Lage
Jab Ahle Bait Paak Alaihimusalam Ka Kafila Madina Mai Dakhil Huwa To Sayyeda Zainab E Kubra Salamullahi Alaiha Ka Ye Haal Tha Ki Woh Apne Gutno Ke Bal Chal Kar Madina Mai Dakhil Huwi.
Woh Madina Jahan Imam Hussain Alaihisalam Aur Sayyeda Zainab E Kubra Salamullahi Alaiha Ki Wiladat Huwi Usi Madina Mai Aap Imam Hussain Alaihisalam Ke Saath Pale Badhe Har Safar Mai Imam Hussain Alaihisalam Ke Saath Rahi Jab Madina Se Rukhsat Huwe The Tab Sab Saath They Aaj Binte Ali Sayyeda Zainab E Kubra Salamullahi Alaiha Akeli Thin Imam Hussain Alaihisalam Saath Na They. 😭
Ummul Momineen Sayyeda Umme Salma Salamullahi Alaiha Ne Farmaya : “Jin Logon Ne Aulad E Rasool SallAllahu Alaihi wa Aalihi wa Sallam Ke Saath Aisa Suluk Kiya Hai, Allah Ta’ala Un Par Laanat Kare Aur Unke Gharon Aur Qabro ko Aag Se Bhar De.”
Sayyeda Zainab Salamullahi Alaiha Dusri Aurton Se Mil Kar Is Qadar Roi Ke Be Hosh Ho Gayi. 😭
Ref : Shaame Karbala, Page 272.
Shaane Karbala, Page 350.
Iske Baad Ahle Bait Paak Alaihimusalam Rauza E Rasool SallAllahu Alaihi wa Aalihi wa Sallam Par Hazir Huwe Allahu Akbar
Imam Zainul Aabideen Ali Ibne Hussain Alaihisalam Ne Apne Nana SallAllahu Alaihi wa Aalihi wa Sallam Ki Bargaah Mai Salam Pes Kiya Aur Imam Hussain Alaihisalam Ki Dastan Huzoor Nabi E Akram SallAllahu Alaihi wa Aalihi wa Sallam Ki Gaud Se Karbala Aur Shahadat E Imam Hussain Alaihisalam Aur Baad E Aashura Karbala Se Shaam Ka Pura Waqiya Rote Huwe Sunane Lage… 😭😭😭
Sayyeda Zainab E Kubra Salamullahi Alaiha Ka Ye Haal Tha Ki Chote Bacche Ki Tarha Woh Apne Gutno Ke Bal Chal Kar Rauza E Aqdas Par Gayi Aur Ro Kar Be Hosh Ho Gayi.
Apne Nana SallAllahu Alaihi wa Aalihi wa Sallam Ko Apna Haal Sunaya Aur Imam Hussain Alaihisalam Ka Khoon Aaluda Pairhan Nana SallAllahu Alaihi wa Aalihi wa Sallam Ko Pesh Kiya. 😭
Allahu Akbar Ahle Madina Par Ek Qayamat Barpa Ho Gayi😭
Bargaah E RasoolAllah SallAllahu Alaihi wa Aalihi wa Sallam Ke Baad Sayyeda E Kainaat Madar E Imam Hussain #Sayyeda_Fatimah_Zahra Salamullahi Alaiha Aur Imam Hasan Al Mujtaba Alaihisalam Ke Rauza E Aqdas Par Hajir Huwe Salam Pesh Kiya Aur Dastane Gham Apni Walida Majida Salamullahi Alaiha Ko Sunayi Allahu Akbar….. 😭
Aur Fir Apne Gharon Tashrif Le Gaye To
bani Hashim Ki Aurton RadiAllahu Ta’ala Anhum Ne Giriya Aur Noha Kiya .
Tarikhe Tabri Mai Riwayat Maujud Hai Ke Abdul Malik Bin Bin Ablil Haris Asalami Kehta Hai Ki,
Khuda Ki Qasam Maine Har Giz Aisa Rona Chilana Nahi Suna Jaisa Us Din Bani Hashim Ki Aurten Apne Gharon Mai Imam Hussain Alaihisalam Par Royi.
Madina Mai Ek Qayamat Huzoor Nabi E Akram SallAllahu Alaihi wa Aalihi wa Sallam Ke Zaahiri Wisaal Ke Waqt Aayi Thi Aur Ek Qayamat Imam Hussain Alaihisalam Ne Madina Se Rukhsat Huwe The Tab Aayi Aur Ek Qayamat Jab Ahle Bait Paak Alaihimusalam Ka Kafila Madina Sharif Lauta Tab Aayi.
Ahle Bait Paak Se Gustakhiya Be Baakiya
Laanatullahi Alaikum Dushmanane Ahle Bait
Allahumma Salle Ala Jaddil Hasnain wa Ummil Hasnain wa Abil Hasnain wa Ukhtil Hasnain wa Alaihima wa Aalihi wa Ashabihi wa Baarik wa Sallim💞
Allahumma Salle Ala Sayyedatina Zainab wa Ummiha wa Jaddiha wa Abeeha wa Akhwaaniha wa Ba’aleeha wa Baniha wa Ahle Baytiha wa Baarik wa Sallim💞
Allahumma Salle Ala Sayyedina wa Maulana Muhammad wa Ala Sayyedina Aliyyuw wa Sayyedatina Fatimah wa Sayyedatina Zainab wa Sayyedina Hasan wa Sayyedina Hussain wa Ala Aalihi wa Sahbihi wa Baarik wa Sallim 💞
Aal-e-Qutub Aal-e-Syed Abdullah Shah Ghazi 