20 – Safar Chehallum

*Chehlum e Imaam e Hussain wa Shohada e Karbala Alahimus Salam*

Hazrat Allama Abu Ishaq Isfarayini Shafayi Rehmatullah Alaih (Mutawafi 418 Hijri) Apni Kitaab Noor Al Ain Fi Mashhad Al Hussain Me Naqal Farmate Hain :- Ki Jab Qafila Damishq Se Madina Pak Ke Liye Rawana Hua To Raste Me Ahle Baith e Rasool Ne Hazrat Noman Se Kaha Ki Hamari Ye Aarzu Hai Ki Hame Ba Rasta e Karbala Le Chale Take Ham Dekh Sake Ki Hamare Azeezo Ki Lashe Usi Tarha Be Gor o Kafan Padi Hai Ya Kisi Ne Dafan Kar Di, Unhone Baat Man Li Chunache Ye Qafila Mahe Safar ul Muzaffar Ki 20 Tarkeeh Ko Karbala Poucha Us Din Hazrat Imaam Hussain Alahis Salam Ki Shahadat Ko 40 Din Guzar Chuke The Jab Un Bibiyo Ne Fir Usi Maqaam Ko Dekha Jahan Unko Pani Ki Ek Ek Boondh Ke Liye Tarsaya Gaya Tha Jahan Chaman e Zahra Ko Ujada Gaya Tha Jahan Gulshan e Risalat Ke Lehlahate Hue Phoolo Ko Teero Se Chalni Kiya Gaya Tha Jaha Rakib e Doshe Rasool ﷺ Ko Zakhmo Se Choor Choor Karke Ghode Se Gira Kar Khak o Khoon Me Tarpaya Gaya Tha Jahan Farzand e Rasool ﷺ Ko Barhana Karke Unke Mukaddas Jism Ko Ghode Ki Taapo Se Pamaal Kiya Gaya Tha Ahle Baith e Rasool Ke Khaime Jalaye Gaye The Un Paak Bibiyo Ka Saaz o Saman Luta Gaya Tha Unhe Qaidi Banaya Gaya Tha Ek Ek Kar Ke Wo Sare Manazir Aankho Ke Samne Aa Gaye Aur Be Ikhtiyar Sab Ki Rote Rote Hichkiya Bandh Gayi Sayyeda Zainab Salamullah Alaiha Farma Rahi Thi Yaha Hamare Khaime The Yaha Hamare Janwar Bandhe Gaye The Yaha Hamare Janwar Ke Kajawe Rakhe Gaye The Phir Bar’ayi Hui Aawaz Me Farmaya Yaha Bhai Abbas Kate Fate Lete The Yaha Mera Ali Akbar Khak o Khoon Me Aaluda So Gaya Tha Yaha Mera Masoom Asghar Mera Jawan Qasim Mere Aun o Muhammad Ke Be Sar Jism Pade The Aur Phir Apne Piyare Bhai Hazrat Imaam Hussain Ka Naam Lete Hi Unki Cheekhe Nikal Gayi Hazrat Imaam Hussain Ki Qabr e Anwar Par Apna Muh Rakh Ke Sayyyeda Zainab Ne Salam Kiya Aur Is Dard Se Royin Ke Rote Rote Behal Ho Gayi Sab Qafile Walo Ke Rone Ki Sada e Buland Hui Ek Qayamat Qayam Ho Gayi Bibiyon Ne Apne Azeezo Aur Hazrat Imaam Hussain Ki Qabro Par Jin Alfaaz Me Apne Qalbi Jazbaat Ka Izhar Kiya Hoga Wo Kon Bayan Kar Sakta Hain, Ek Raat Un Sabne Waha Fatiha Khuwani Aur Zikr o Tilawat Me Guzari, Bawakt e Ruksat Hazrat Zainab Apne Bhai Ko Ek Baar Phir Alwida Kehne Unki Qabr Par Aayi, Karbala Ke Qurb o Jawaar Se Bhut Se Log Us Din Markad e Imaam e Hussain Par Jama The Kyunki Ye Chehlum Ki Fateha Ka Mauqa Tha Imaam e Hussain Ki Shahadat Ka 40wa Din Tha, Un Logo Ne Waha Misl Haleem Khana Taiyyar Karke Sab Ko Khilaya Aur Ahle Baith Rasool Se Apni Aaqidat Ka Izhaar Kiya.

📚 *Reference* 📚
Shame Karbala, Safa 237, 238, Khateeb e Aazam Hazrat Allama Molana Muhammad Shafee Okarvi Sahab Rehmatullah Alaih.