“Karbala ke baad luta hua Kafila jab damishq ki taraf lejaya gaya to chalte chalte raaste me ek muqaam par yazidi lashkar ke paas paani khatam hogaya. unhone kafila rok diya aur paani lene keliye logo ko bheja. Dhoop thi chil chilati dhoop thi sehra tha, kafile ke sarbara ne apne liye khaima nasab karaya kyunki badi door se paani aana tha. wo khaima nasab karke aaram se saaye tale baith gaya aur tamazat-e-aaftaab se tapte jalte hue tilo par Huzoor ki Shehzadiyon ko khule aasmaan ke niche bitha diya. unke paani ke intezar me Ahle Bayt ka Kafila chilchilati dhoop me tapta raha.
Imam-e-Aali Muqaam Sayyeduna Imam Hussain ki Pyari Lakhte Jigar Shehzadi Sayyeda Sukaina Salamullahi Alaiha. Asal Naam Unka Arabi Talaffuz me Sukaina hai, hurf-e-aam me Sakina chalta hai. To Sayyeda Sakina, Choti Masoom Shehzadi, dekha ke tapti dhoop me sehra me ek chotasa darkht hai tiley ke saath, uska thodasa saaya hai. Chilchilati dhoop hai, Sayyeda Sakina us dhoop ke andar us saaye dar chotisi jhaadi me jaake matti ka Sarhaana banake late gayin. Sayyeda Sakina ki Aankh lag gayi. Aad thi us darkht ke jhaadi ki isliye kisiko nazar nahi Aayin. paani aaya yazidio ne aawaz di kafila chal pada. Ahle Bayt ki Shehzadiyan kajawon par thin unt par aur unt waha niche baith gaye they, to Kisiko pata nahi chala aur Sayyeda Sakina ko wahi chodkar Kafila chal pada.
Kafila thodi der aage gaya to jis shakhs ke haath me neza tha jispar Imam-e-Aali Muqaam ka Sar-e-Anwar tha, wo uske haath se chootkar zameen me gad gaya. unhone koshish ki is neze ko ukhaadke aage chale par neza aisa jama ke uski puri taqat ke bawajood Imam-e-Hussain ka Sar-e-Anwar aage nahi badha. usne aur logo ko bulaya badi koshish ki magar Imam-e-Aali Muqaam ka Sar-e-Anwar jis neze par tha wo neza aage nahi chala. wo pareshan hue aur Sayyeduna Imam Zainul Aabideen ke paas gaye aur kaha Aapke Baba ka Sar-e-Anwar aage nahi Chalta. Unki Aankhe Aab dida hogayin. Wo Apni Phuphi Sayyeda Zainab ke Paas aaye, arz kiya Phuphijaan Aap zara unto ke kajawo me Shahzadiyo ko gin len, lagta hai Baba Jaan ki koi Shehzadi reh gayi hai Sar-e-Anwar aage nahi chalta.
Sayyeda Zainab ne ek ek ka Naam lekar tasalli ki ke Saare kajawo me hain. Jab Sayyeda Sakina ka Naam liya to jawab nahi aaya. Baar baar Sukaina Sukaina Sukaina kaha to Jawab nahi aaya. Jab Jawab nahi aaya to Wo tadap uthin, Apne Kajawe se niche aagayin aur Kehne Lagin ke Hussain ki Sakina reh gayi hai kahi. Shayad jaha kafila ruka tha wahi Reh Gayin.
Ab raat ka waqt hogaya tha, raat ke andhere me Daudte Daudte piche pahunchi. Aur aage jo Pahunchi to andhere me dekha ke Koi Nakaabposh Khatoon Hain aur Sayyeda Sakina ko Goudh me leke Baithi Hain aur Unko Choomti Hain aur Sayyeda Sakina Us Nakaabposh Aurat ki Goudh me meethi meethi Zubaan me Karbala ki Kahani Suna rahi hain jaise bache kahani sunte sunaate hain. Wo Qaiyat suna rahin hain ke Hamare Saath aisa hua fir ye hua fir Baba ke saath ye hua fir Bhai ke saath ye hua. Wo Karbala ki Kahani suna rahin Hain aur Wo Nakaabposh Khatoon Sunti bhi Hain Choomti bhi Hain Roti bhi Hain.
Itne me Sayyeda Zainab kareeb pahunchin aur Aap Aawaz deti Hain ke: Nakaabposh Khatoon Allah Aapka Bhala kare Aapne Hamari Beti ko Sambhaal liya, Humpe Bada Ehsan kiya hai Is Beti ko Goudh me lekar, Allah Aapko Ajr de. Batayen to sahi ke Aap Hain Kaun Ehsaan Karne Waalin? Unhone Chehra-e-Anwar se Nakaab palta farmaya:
“Zainab bhul gayi ho? Tumhari Maa Fatimah Hun….
Hussain ki Lakhte Jigar Sakina Tanha Reh gayi thi kafila chal pada tha to Mai Isko tanha dekhkar Qabr me nahi rehsaki, Maine Chaha Mai jakar Sakina ko Sambhaal lun.”
Ye Rooh Mujassam Thi, Sayyeda-e-Kainat ki Rooh-e-Aqdas Mujassam Thi Mutamassal Thi Rooh-e-Aqdas.
Tanhayi me Sayyeda Sakina ko Sambhaala diya. Sayyeda Zainab ne Sayyeda Sakina ko Saath liya, aur Wo to Roohani Taur pe Aamad Thi To Sayyeda-e-Kainat Rukhsat Hogayin, Nigaho se Ojhal Hogayin.”
Alaihim Afdalus Salawatu was-Salaam
-Shaykh-ul-Islam Dr. Tahir-ul-Qadri
Allahumma Salle Ala Sayyedatina Zainab wa Ummiha wa Jaddiha wa Abeeha wa Akhwaaniha wa Alaihaa wa Ahle Baytihaa wa Baarik wa Sallim
*Neze Par Hazrat Imaam Hussain Alaihis Salam Ke Sar e Aqdas Ki Tilawat*
*1.* Hazrat Zaid Bin Arkam Razi Allahu Tala Anhu Ka Bayan Hain :- Jab Yazeediyo Ne Hazrat Imaam Hussain Alaihis Salam Ke Sar e Anwar Ko Neze Par Chadha Kar Kufa Ki Galiyo Me Gasht Kiya Us Waqt Me Apne Makan Ke Baala Khane Par Tha, Jab Sar Mubarak Mere Samne Se Guzra To Mene Suna Ke Sar e Pak Ne Para 15, Surah Al Kahf Ki Ayat Number 9 Tilawat Farmayi :-
أَمْ حَسِبْتَ أَنَّ أَصْحَٰبَ ٱلْكَهْفِ وَٱلرَّقِيمِ كَانُوا۟ مِنْ ءَايَٰتِنَا عَجَبًا
Tarjuma :- Kya Tumhe Maloom Hua Ke Pahad Ki Khoh (Ghaar) Aur Jangal Ke Kinare Wale Hamari Ek Aajeeb Nishani The.
📚 *Reference* 📚
Shawahidun Nabuwat, Safa 231.
*2.* Minhal Bin Amr Se Riwayat Hain Hain :- Ke Wallah Mene Ba Chashme Khud Dekha Ke Jab Hazrat Imaam Hussain Alaihis Salam Ke Sar e Anwar Ko Neze Par Lekar Ja Rahe The Us Waqt Me Dimashq Me Tha, Sar Mubarak Ke Samne Ek Shaks Surah Al Kahf Padh Raha Tha Wo Aayat Number 9 Par Poucha Us Waqt Allah Ta’ala Ne Quwat e Goyai Baqshi To Sar e Imaam e Hussain Ne Ba Zaban e Fasih Farmaya :- Ashaab e Khaf Ke Waqia Se Mera Qatl Aur Sar Ko Liye Phirna Ajeeb Tar Hain.
📚 *Reference* 📚
*1.* Sharhus Sudoor, Safa 212.
*2.* Tarikh Dimashq, Safa 370.
*3.* Khasais Al Kubra, Safa 212.
*3.* Ek Aur Riwayat Me Aata Hain :- Jab Yazeediyo Ne Hazrat Imaam Hussain Alaihis Salam Ke Sar Mubarak Ko Neze Se Utarkar Ibne Ziyad Ke Mehal Me Dakhil Kiya To Aap Ke Muqaddas Honth Hil Rahe The Aur Zuban e Aqdas Par Para 13, Surah Al Ibrahim Ki Aayat Number 42 Ki Tilawat Jari Thi :-
وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ
Tarjuma :- Aur Hargiz Allah Pak Ko Be Khabar Na Janna Zalimo Ke Kaam Se.
📚 *Reference* 📚
Rauzatush Shohada, Jild 2, Safa 385.
#13th_Muharram_Ul_Haram_61st_Hijri 13th October 680
Youme Tadfeen E Jismane Muqaddasa #Sayyed_Us_Shohda Sardar E Jinnah #Imam_Hussain wa Shahidane Karbala
RadiAllahu Taala Anhum.
Karbala E Mualla Mai Kafla E Ahle Bait E Paak Aseerane Karbala Ko 11 Muharram Ko Kufa Rawana Huwe Aur Aahista Aahista Lashkar E Laanati Yazidi Bhi Jaane Lage Lashkare Yazeed Mal’un Kafiro Ne Apni Tamam Jahannumi Murdon ki Laasho’n Ko Jam’a Kiya Aur Unhein Dafn Kar Ke Rawangi Ka E’laan Kar Diya, Magar Ahl-E-Bayte Kiram ‘Alayhim-us-Salatu Wa’s-Salam Kee Jismane Muqaddasa Aur Ashabe Hussain Alaihimusalam Ki Laasho’n Ko Dafn Karne Kee Koi Zaroorat Mahsoos Na Kee, Be Ghairat Kameene Laanati Logo’n Ne Imame Paak Ke Khandan Aur Saathiyo’n Ke Jismo’n Aur Laasho’n Ko Usi Jagah Be Goro Kafan Chhod Diya.
Bani Asad Ki Aurte Jab Nehar E Furaat Par Paani Lene Ke Liye Nikli To Unhone Dekha Ke Shahidane Karbala Jism E Muqaddasa Yuhi Be Goro Kafan Sehra Mai Hain To Woh Apne Ghar Jaake Bani Asad Ke Mardo Ko Saara Waqia Bataya Aur Jab Qabila E Bani Asad Ko Pata Chala To Bani Asad Ke Log Shahidane Karbala Ki Tadfeen Ke Liye Aaye Aur Shahidane Karbala Ki Tadfeen Ki Mazar Mubarak Banaye Gaye.
Tadfeen 13 Muharram Ul Haram Ko Huwi Kyuke Waha Par Laanati Shaami Yazidi Mal’un Kafiro Ka Lashkar Tha Jo 13 Muharram Tak Karbala Se Chala Gaya Tha Is Liye Bani Asad Ke Log Waha Par Jaa Kar Saare Shahido Ridwanullahi Ta’ala Alaihim Ajmaeen Ke Jismane Muqaddas Ki Tadfeen 13 Muharram Ko Kar Sake.
Karbala E Mualla Mai Mazarate Aqdas
(01) Rauza E Imam Hussain Alaihisalam
Jahan Par Aapki Aur Aapke Shahzadon Ki Qabre At’Har Hai Ek Saath Alaihimusalam
(02) Shahzada Ali Asghar Imam Hussain Alaihisalam Ke Sina E Aqdas Par Shahzada Ali Asghar Aaram Farma Hain
(03) Hum Shabih E Rasool SallAllahu Alaihi wa Aalihi wa Sallam Sayyedina Ali Akbar Bhi Imam Hussain Alaihisalam Ki Qabre At’Har Ke Saath Hi Hain.
(04) Alamdar E Karbala Hazrat Abul Fadal Abbas E Ghazi Ibne Ali Alaihisalam Aapka Rauza Alag Se Imam Hussain Alaihisalam Ke Rauza E Aqdas Ke Saamne Thodi Dur Hai In Dono Mazarat Ke Bich Ki Jagah Ko Bainul Harmain Kaha Jata Hai Hazrat E Abbas Alamdar Alaihisalam Ke Dono Bazu Alag Alag Dafan Kiye Gaye Hain.
(05) Shahzadgane E Sayyeda Zainab E Kubra Salamullahi Alaiha
Hazrat Aun Aur Muhammad Alaihimusalam
Shahzadon Ki Qabre At’Har Alag Se Karbala Mai Thodi Dur Hai.
(06) Hazrat E Fazal Bin Abbas RadiAllahu Ta’ala Anhu
Karbala Mai Hi Thodi Dur Aapka Mazar E Aqdas Maujud Hai
(07) Hazrat Habib Ibne Mazahir RadiAllahu Ta’ala Anhu
Hazrat E Habib Ibne Mazahir Ki Qabre Anwar Imam Hussain Alaihisalam Ke Rauza E Aqdas a Mai Hi Hai.
(08) Hazrat E Hur RadiAllahu Ta’ala Anhu
Hazrat E Hur Ki Jism Ko Kaha Jata Hain Ke Aapki Amma Raat Ko Dur Le Gayi Thin Is Liye Aapki Bhi Alag Se Mazar Hai.
(09) Shohda E Karbala
Baaqi Ke Saare Shahidane E Karbala Ko Ek Saath Imam Hussain Alaihisalam Ke Rauza E Aqdas Mai Dafan Kiya Gaya Ye Jagah Ganje Shohda Se Mashoor Hai
Be Shumaar Salam Ho Shahzada E RasoolAllah SallAllahu Alaihi wa Aalihi wa Sallam Sayyed Us Shohda Shahe Karbala #Imam_Hussain Ibne Fatimah Zahra Salamullahi Alaiha Wa Ali Alaihimusalam Aur Shahidane Karbala Par
Salam Ho Qabila E Bani Asad Ke Jawan Mardo Par
Har Saal Aaj Bhi 13th Muharram Ko Qabila E Bani Asad Ke Log Pure Iraq Se Karbala Aate Hain
#QabilaeBaniAsad
اَلسَّلامُ عَلَى الْحُسَیْنِ ، وَعَلٰى عَلِىِّ بْنِ الْحُسَیْنِ ، وَعَلىٰ اَوْلادِ الْحُسَیْنِ ، وَعَلىٰ اَصْحٰابِ الْحُسَیْن.
اللَّهُمَّ الَعَن قَتَلة الحسينؐ وقَتَلة اولاد الحسينؐ وقَتَلة اصحاب الحسينؐ وقَتَلة انصار الحسينؐ
Allahumma Salle Ala Sayyedatina Zainab wa Ala Ummiha wa Jaddiha wa Abeeha wa Akhwaniha wa Ahle Baytiha wa Baarik wa Sallim💞
Allahumma Salle Ala Jaddil Hasnain wa Ummil Hasnain wa Abil Hasnain wa Ukhtil Hasnain wa Alaihima wa Aalihi wa Ashabihi wa Baarik wa Sallim💞
Allahumma Salle Ala Sayyedina wa Maulana Muhammad wa Ala Sayyedina Aliyyuw wa Sayyedatina Fatimah wa Sayyedatina Khadijah wa Sayyedatina Zainab wa Sayyedina Hasan wa Sayyedina Hussain wa Ala Aalihi wa Sahbihi wa Baarik wa Sallim 💞
اللّٰهُمَّ صَلِّ عَلَی مُحَمَّدٍ وَعَلَی آلِ مُحَمَّدٍ کَمَا صَلَّيْتَ عَلَی إِبْرَهِيمَ وَعَلَی آلِ إِبْرَهِيمَ إِنَّکَ حَمِيدٌ مَجِيدٌ، اللّٰهُمَّ بَارِکْ عَلَی مُحَمَّدٍ وَعَلَی آلِ مُحَمَّدٍ کَمَا بَارَکْتَ عَلَی إِبْرَهِيمَ وَعَلَی آلِ إِبْرَهِيمَ إِنَّکَ حَمِيدٌ مَجِيدٌ.
*Khoon Se Likha Hua Sher*
Yazeed Bin Muawiya Ke Napak Lashkari Jab Hazrat Sayyedna Imaam Hussain Alahis Salam Ke Sar e Mubarak Ko Lekar Chale Aur Pehli Manzil Me Tehar Kar Nabeez Yani (Khajoor Ka Sheera) Peene Lage Itne Me Ek Qalam Namudaar Hua Ya’ani (Zahir) Hua Aur Usne Khoon Se Ye Sher Likha
*اتر جوا امة قتلت حسينا*
*شفاعة جده يوم الحساب*
Ya’ani Kiya Hussain Alahis Salam Ke Qatil Ye Bhi Ummed Rakhte Hain Ke Roze Qayamat Unke Nana Jaan Ki Shafa’at Payenge.
📚 *Reference* 📚
*1.* Muajjam Al Kabeer, Jild 3, Safa 123, Raqam 2873.
*2.* Al Bidaya wan Nihaya, Jild 5, Safa 709.
Ek Aur Dusri Riwayat Me Hain Ke Huzoor Nabi e Kareem Hazrat Muhammad Mustafa ﷺ Ki Be’sat e Shareefa Ya’ani (Elane Nabuwat) Se 300 Baras Pehle Ye Sher Ek Patthar Par Likha Hua Mila.
📚 *Reference* 📚
Al Sawaiq Al Muhriqah, Safa 194.
*Noor Ka Sutoon Aur Safaid Parinde*
Hazrat Imaam Hussain Alahis Salam Ki Shahadat Ke Baad Aapke Sar e Anwar Se Keyi Karamaat Ka Zahoor Hua, Imaam Hussain Ka Sar e Anwar Kholi Bin Yazeed Ke Pas Tha Wo Raat Ke Waqt Kufa Poucha Governor House Ka Darwza Band Ho Chuka Tha Ye Sar e Anwar Ko Lekar Apne Ghar Aa Gaya Zalim Ne Sar e Anwar Ko Bedbi Ke Sath Zameen Par Rakh Kar Ek Bada Bartan Us Par Ulat Kar Usko Dhanp Diya Aur Apni Biwi Ke Pas Jakar Kaha :- Me Tumhare Liye Zamane Bhar Ki Dolat Laya Hu Wo Dekh Hussain Ibne Ali Ka Sar Tere Ghar Par Pada Hai (Maaz Allah). Uski Biwi Bigad Kar Boli Tujh Par Khuda Ki Maar! Log To Chandi Aur Sona Laye Aur Tu Farzand e Rasool Ka Mubarak Sar Laya Hain Khuda Ki Kasam Ab Me Tere Sath Kabhi Na Rahungi. Uski Biwi Ye Kehkar Apne Bichone Se Udhi Aur Jidhar Sar e Anwar Tashrif Farma Tha Udhar Aakar Bedh Gayi. Uska Bayan Hai :- Khuda Ki Qasam Mene Dekha Ke Ek Noor Barabar Aasman Se Us Bartan Tak Misl e Sutoon Chamak Raha Tha Aur Safaid Parinde Uske Ird Gird Mandla Rahe The. Jab Subah Hui To Kholi Bin Yazeed Sar e Anwar Ko Ibne Ziyad Ke Pas Le Gaya.
📚 *Reference* 📚
Al Kamil Fil Tarikh, Jild 3, Safa 434.
Aal-e-Qutub Aal-e-Syed Abdullah Shah Ghazi 