Month: July 2024

Alamdar E Karbala Chacha E Sakina Kuwat E Sayyed Us Shohda, Hazrat Abul Fadal, Sayyeduna Imam Maula #Abbas_Ghazi Alamdar Ibne #Imam_Ali Alaihisalam 👑

Name : Hazrat Sayyeduna Abbas
Walidain : Imam Ali Ul Murtaza Aur Sayyeda Fatimah Binte Hizaam RadiAllahu Ta’ala Anha
Aap Dua E Sayyeda Fatimah Tuz Zahra Salamullahi Alaiha Binte Muhammad Mustafa SallAllahu Alaihi Wa Aalihi wa Sallim They.

Zauja : Hazrat Bibi Lubaba binte Ubaidullah RadiAllahu Ta’ala Anha

Aapki 3 Aulaad hui

1. Hazrat Fazl
2. Hazrat Qasim
3. Hazrat Ubaidullah (Ridhwanullah Alaihim)
Nasl Aapki Janab e Ubaidullah se chali ..!

Hayat e Taiyyibah ka Mukhtasaran Ta’arruf : Aapne jis khanwade mein Aankh Kholi aur jahan aapki parwarish hui ..La_Raib wo Kayenat ka Afzal-tareen Khandan tha..jiske Roz O Shab Anwaar O Tajalliyaat e Ilaahi ka Gehwaara the!
Mash-hoor hai ke wildat ke baad aapne apni Aankhein nahin kholi jab tak Imam Hussain Alaihis Salam ne aapko apni Aagosh e Athar mein na liya..aur Aapka Naam Hazrat Bibi Zainab (Salamullahe Alaiha) ne Apni Walida e Maajida Sayyida Zehra binte Rasool (Salatullahe Alaiha) ke Farmaan o wasiyyat ke Mutabiq ”ABBAS” rakha !
Aapki Tarbiyat is Kayenat ki Azeem tareen Hastiyon ke zere saya hui.jin mein Sare fehrist Zaat e Aqdas Amirul Moineen Sayyidul Ausiya wal Auliya Babe Madinatul Ilm Shenshah e La-Fata Tajdar e Hal Ata Hazrat ALI E MURTAZA (alaihis salam) ki hai…Phir Shenshah e Zaman Sibte Payambar Imam e Hasan Mujtaba (alaihis salam) aur Sayyid e kaunain ibne Rasool Janab Imam Hussain (alaihis salam) ki Muqaddas Zaat ne aapki taleem o tarbiyat farmayi aur Fanne Harb O Zarb ba-raahe Raast Shere Khuda Mola e Kul Hazrat Ali (alaihis salam) se haasil kiye!
Aapki Walida e Maajida ne is andaz se tarbiyat farmayi ke agar che aap Imamayn Hasnayn (Alaihumas salam) ke bhai hote hain .lekin choonke Ye dono Rasool-Zadi ke shehzade hain lehaza kabhi dil mein barabari ka khayal nahi aaya aur Rasool-zadon ke muqaable mein hamseha khud ko unka ghulam samjha aur kaha..! Lehaza jab bhi Aap Shehzaadgaan e Zehra(SA) ko Mukhatab karte to AAQA hi kehte

10Th Muharram Ul Haram 61st Hijri
#Youme_Ashura

Jab Jange Karbala Mai Aapki Shahadat Hone Lagi Aap Ke Paas Sayyed Us Shohda Shahe Karbala Imam Hussain Alaihisalam Daudte Huwe Aaye Aur Aapka Sar E Anwar Apni Guad Mai Rakha Aur Kuchh Baten Ki Aakhir Mai Hazrat E Sayyeduna Abbas Ne Apne Maula Se Kaha Ke Aaqa Meri Aankh Se Khoon Saf Kar Dijiye Taake Aakhri Baar Apne Aaqa Ka Deedar Kar Saku Imam Hussain Alaihisalam Ne Aapki Aakhon Se Khun Saaf Kiya Aur Aapse Kaha Ke Mere Pyaare Bhai Tumne Saari Zindagi Muje Aaqa Keh Kar Hi Pukara Hai Aaj Ek Baar Muje Aapna Bhai Kah Kar Muje Bulao Maula Abbas Ki Aankhon Se Aanshu Rawan Ho Gaye Aur Madina Ki Taraf Muh Kar Ke Aapni Walida Se Kehne Lage
Walida Farzand E Sayyeda Rasool Zaade Kaniz Zaade Ko Bhai Keh Kar Pukar Ne Ka Keh Rahe Hain Woh Mere Aaqa Hain Mai Kese Bhai Keh Sakta Hun (Exact Word Nahi Hai Matlab Wohi Hai )

Fir Aapki Bhi Maula Hussain Shahid E Azam Alaihisalam Ki Gaud Mai Shahadat Ho Gayi.
Aapka Jisme Aqdas Aur Baaju Alaga Alaga Jagah Par Karbala Mai Madfun Hain Aur Sar E Aqdas Shaam Mai Madfun Hain

Be Had Durood O Salam Ho Alamdar E Karbala Abul Fadal Ghazi #Abbas E Alamdar Ibne Ali Alaihisalam Par

اَلسَّلامُ عَلَى الْحُسَیْنِ ، وَعَلٰى عَلِىِّ بْنِ الْحُسَیْنِ ، وَعَلىٰ اَوْلادِ الْحُسَیْنِ ، وَعَلىٰ اَصْحٰابِ الْحُسَیْن.

اللَّهُمَّ الَعَن قَتَلة الحسينؐ وقَتَلة اولاد الحسينؐ وقَتَلة اصحاب الحسينؐ وقَتَلة انصار الحسينؐ

Allahumma Salle Ala Sayyedatina Zainab wa Ala Ummiha wa Jaddiha wa Abeeha wa Akhwaniha wa Ahle Baytiha wa Baarik wa Sallim💞

Allahumma Salle Ala Jaddil Hasnain wa Ummil Hasnain wa Abil Hasnain wa Ukhtil Hasnain wa Alaihima wa Aalihi wa Ashabihi wa Baarik wa Sallim💞

Allahumma Salle Ala Sayyedina wa Maulana Muhammad wa Ala Sayyedina Aliyyuw wa Sayyedatina Fatimah wa Sayyedatina Khadijah wa Sayyedatina Zainab wa Sayyedina Hasan wa Sayyedina Hussain wa Ala Aalihi wa Sahbihi wa Baarik wa Sallim 💞

اللّٰهُمَّ صَلِّ عَلَی مُحَمَّدٍ وَعَلَی آلِ مُحَمَّدٍ کَمَا صَلَّيْتَ عَلَی إِبْرَهِيمَ وَعَلَی آلِ إِبْرَهِيمَ إِنَّکَ حَمِيدٌ مَجِيدٌ، اللّٰهُمَّ بَارِکْ عَلَی مُحَمَّدٍ وَعَلَی آلِ مُحَمَّدٍ کَمَا بَارَکْتَ عَلَی إِبْرَهِيمَ وَعَلَی آلِ إِبْرَهِيمَ إِنَّکَ حَمِيدٌ مَجِيدٌ.

Hazrat #Ameer_Qasim AlaihisSalam Aur Shahzadgan E Imam Hasan Alaihimusalam
Shahzadgane E Rasool Aale Rasool Aulad E Ali O Sayyeda Batool, Farzand E Maula Hasan, Lakhte Jigar E Umme Farwa, Dilbar E Maula Hussain, Jigar Gosha E Sayyeda Zainab, Noor E Nazar E Ali Al Zainul Aabideen, #Noor_E_Panjatan Maahe Karbala,
👑 Sayyeduna Imam Maula Ameer #Qasim_Ibne_Hasan Ibne Ali Alaihisalam 👑
Sayyeduna Abdullah Ibne Imam Hasan
Sayyeduna Umar Ibne Imam Hasan
Sayyeduna Abu Bakr Ibne Imam Hasan
Alaihim Afdalus Salawatu Was Salaam

Hazrat Sayyeduna Ameer Qasim Imam Hasan Al Mujtaba Ibne Ali Alaihisalam Ke Shahzade Hain

Shahzada Ameer Qasim Ki Walida Hazrat Salma Jo Apni Kunniyat Umme Farwa Ke Naam Se Mashoor Hai.

Ameer Qasim Ki DadiJaan Sayyidah Fatimah Zahra Aur DadaJaan Maula Ali Sher e Khuda Hai.

Hazrat Ameer Qasim Ki Wiladat 7 Shaban ul Muazzam 47 Hijri Ko Madinah Munawwarah Mein Hui.

Jab Hazrat Qasim AlaihisSalam 5 Maah Ke Hue Toh Aap Dudh Nahi Pi Rahe The ..

Aapki Walida Hazrat Umme Farwa Salamullahi alaiha Ne Imam Hasan Mujtaba AlaihisSalam Ko Ye Bataya Toh Imam Hasan Mujtaba Ne Farmaya Ye Mahina Muharram ul Haram Ka Hai Aur Ashure Ka Din Hai .. Ye Jab Guzar Jayega Shahzada Qasim Dudh Piney Lag Jayega

Allahu Akbar!! Goya Allah Ne inhey Roz e Azal Se Karbala Ke imtehan Ki Tayyari Karayi Thi,

Hazrat Ameer Qasim Ne 3 Saal Apne Baba Jaan Imam Hasan Mujtaba Ka Faiz Paaya. Aur 50 Hijir Mein Imam Hasan Mujtaba Ki Shahadat Hui.

Hazrat Qasim bin Hasan Behadh Haseen o Jameel Apne Baba Ki Tasveer The .. Jab Aap Maidan e Karbala Mein Aaye Toh Yuhn Laga Ke Sehra Mein Roshan 14vi Ka Chand Araha Hai.

Hazrat Ameer Qasim Ki Tarbiyat Aapke Chacha Jaan Hazrat Imam Mawla Hussain Aapki Phuphi Jaan Sayyidah Zainab o Chacha Jaan Hazrat Ghazi Abbas Alamdar Ne Ki. Imam Hussain Apne Bhatije Se Behadh Mohabbat Karte.

Hazrat Ameer Qasim Ne Jung Karne Ka Hunar Chacha Jaan Imam Hussain o Hazrat Abbas Se Sikha.

Aap Mein Apke Dada Jaan Mawla Ali ul Murtaza Ki Fasahat O Balaghat o Shuja’at Thi.

Aap Ne Maidan e Karbala Mai Jab Utre To Umre Saad Laeen Ne Azrak Aapke Samne Aane Ke Liye Kaha Azrak Ne Umre Saad Se Kahan Ke Ye Naujawan Ke Saamne Mai Jau Ye Meri Tauhin Hai Mai Nahi Jaunga Umare Saad Ne Us Se Kahan Ke Ye Ali Ibne Abi Talib Alaihisalam Ka Pota Hai Ise Tum Sirf Naujawan Samaj Rahe Ho?
Fir Azrak Ne Apne Bete Ko Bheja Woh Maidan Mai Aaya Uske Ameer Qasim AlaihisSalam Ne Wasile Jahannum Kar
Diya Uske Baad Usne Dusre Bete Ko Bheja Usko Bhi Aapne Jahannum Mai Pohancha Diya Gusse Se Usne Tisre Bete Ko Bheja Usko Bhi Maula Hasan Ke Laal Ne Wasile Jahannum Kar Diya Uske Baad Woh Badbakht Khud Maidan Mai Utra Usko Bhi Aapne Wasile Jahannum Kar Diya Uske Baad  Toh Yazeedi Fauj Khaufzada Hokar Ek Sath Hamla Karne Lagi Aur Apko Zakhmi Kar Diya…

Aapne Apne Chacha Jaan Imam Hussain Ko Ya Ammu (Aye Mere Chacha) Kehkar Pukara ..

Maula Hussain Alaihisalam Jaldi Aye Aur Dushmano Ko Bhagaya Aur Hazrat Qasim Ko Apne Seenay Se Lagaya Aur Khaime Ki Taraf Laney Lagey .. Aur Pucha Beta Aapko Maut Kaisi Lagh Rahi Hai Hazrat Qasim Ne Farmaya : Ya Ammu Shehad Se Zyada Meethi…😭😭😭

Imam Hussain Hazrat Qasim Se Behadh Mohabbat Karte Aur Aap Mein Apne Bhai Imam Hasan Ko Dekhte 🌹

Unke Pehle Hazrat Abdullah Jo Imam Hasan Al Mujtaba Alaihisalam Ke Shehzade They Unhone Jaame Shahadat Naus Farmayi
Unke Baad Qasim Aur
Inke Baad Imam Hasan Al Mujtaba Alaihisalam Ke Do Aur Shehzade Aur Imam Qasim Ke Dusre Bhai Sayyeduna Umar Aur Sayyeduna Abu Bakr Bhi Imam Hussain Alaihisalam Se Izazat Talab Ki Aur Maidan E
Jang Mai Razaz Padhi Aur Shuja’at O Bahaduri Ke Jauhar Dikhaye Aur Saikdo Mal’un Kafir Yazidiyo Ko Wasile Jahannum Kiya Aur Jaame Shahadat Naus Farmayi Aapke Jisme Aqdas Ko Imam Hussain Alaihisalam Khaime Mai Laaye… 😭

Hazrat Ameer Qasim Ka Roza Apke Chacha Jaan Imam Hussain Ke Roze Ke Kadmon Ki Taraf Karbala Mu’alla Mein Maujood Hai.

اَلسَّلامُ عَلَى الْحُسَیْنِ ، وَعَلٰى عَلِىِّ بْنِ الْحُسَیْنِ ، وَعَلىٰ اَوْلادِ الْحُسَیْنِ ، وَعَلىٰ اَصْحٰابِ الْحُسَیْن.

اللَّهُمَّ الَعَن قَتَلة الحسينؐ وقَتَلة اولاد الحسينؐ وقَتَلة اصحاب الحسينؐ وقَتَلة انصار الحسينؐ

Allahumma Salle Ala Sayyedatina Zainab wa Ala Ummiha wa Jaddiha wa Abeeha wa Akhwaniha wa Ahle Baytiha wa Baarik wa Sallim💞

Allahumma Salle Ala Jaddil Hasnain wa Ummil Hasnain wa Abil Hasnain wa Ukhtil Hasnain wa Alaihima wa Aalihi wa Ashabihi wa Baarik wa Sallim💞

Allahumma Salle Ala Sayyedina wa Maulana Muhammad wa Ala Sayyedina Aliyyuw wa Sayyedatina Fatimah wa Sayyedatina Khadijah wa Sayyedatina Zainab wa Sayyedina Hasan wa Sayyedina Hussain wa Ala Aalihi wa Sahbihi wa Baarik wa Sallim 💞

اللّٰهُمَّ صَلِّ عَلَی مُحَمَّدٍ وَعَلَی آلِ مُحَمَّدٍ کَمَا صَلَّيْتَ عَلَی إِبْرَهِيمَ وَعَلَی آلِ إِبْرَهِيمَ إِنَّکَ حَمِيدٌ مَجِيدٌ، اللّٰهُمَّ بَارِکْ عَلَی مُحَمَّدٍ وَعَلَی آلِ مُحَمَّدٍ کَمَا بَارَکْتَ عَلَی إِبْرَهِيمَ وَعَلَی آلِ إِبْرَهِيمَ إِنَّکَ حَمِيدٌ مَجِيدٌ.

The Bible
Zikre Shahadat E #Imam_Hussain  ibne Imam Ali Alaihimusalam In #Bible

“But that day belong to the Lord, the LORD almighty– a day of vengeance, for vengeance on his foes. The sword will devour till it is satisfied, till it has quenched its thirst with blood. For the lord, the lord almighty, will offer sacrifice in the land of the north by the River Euphrates”

Bible Jeremiah 46:10

Karbala in BiBle.

Magar Woh Deen Allah Rabbul Izzat Ka Hoga, Woh Deen Allah Ta’ala Buzurg Wa Bartar Jo Dusmano Ke Inteqam Ka Deen Hoga, Talwar Itno Ko Qatal Karegi Woh Khun Se Sairab Ho Jayegi, Us Din Dariya Furaat Se Sumal Mai Maujud Sar Zameen Mai Allah Rabbul Izzat Ke Riza Ke Liye Qurbani Pes Ki Jayegi

Youme Aashura Yani 10th Muharram Ul Haram 61 Hijri Ko Imam Hussain Alaihisalam Ne Apni Aur Apne Ahle Bait Aur Aapke Ashab wa Aqarib Ki Azeem Qurbani Jo Khuda Ke Huzoor Pes Ki Us Jange Karbala Mai Imam Hussain Alaihisalam Ke Ek Ek Saathi Ne Saikado Yazidi Ko Wasile Jahannum Kiya Aur Khud Shahid Ho Gaye,
Uski Pes Goyi Kai Sou Saal Pehle Bible Mai Bhi Uska Zikr Hai

Assalam Ya Aba Abdullah Al Maula Imam Hussain Alaihisalam Ibne Ali Alaihisalam ♥️

اَلسَّلامُ عَلَى الْحُسَیْنِ ، وَعَلٰى عَلِىِّ بْنِ الْحُسَیْنِ ، وَعَلىٰ اَوْلادِ الْحُسَیْنِ ، وَعَلىٰ اَصْحٰابِ الْحُسَیْن.

اللَّهُمَّ الَعَن قَتَلة الحسينؐ وقَتَلة اولاد الحسينؐ وقَتَلة اصحاب الحسينؐ وقَتَلة انصار الحسينؐ

Allahumma Salle Ala Sayyedatina Zainab wa Ala Ummiha wa Jaddiha wa Abeeha wa Akhwaniha wa Ahle Baytiha wa Baarik wa Sallim💞

Allahumma Salle Ala Jaddil Hasnain wa Ummil Hasnain wa Abil Hasnain wa Ukhtil Hasnain wa Alaihima wa Aalihi wa Ashabihi wa Baarik wa Sallim💞

Allahumma Salle Ala Sayyedina wa Maulana Muhammad wa Ala Sayyedina Aliyyuw wa Sayyedatina Fatimah wa Sayyedatina Khadijah wa Sayyedatina Zainab wa Sayyedina Hasan wa Sayyedina Hussain wa Ala Aalihi wa Sahbihi wa Baarik wa Sallim 💞

اللّٰهُمَّ صَلِّ عَلَی مُحَمَّدٍ وَعَلَی آلِ مُحَمَّدٍ کَمَا صَلَّيْتَ عَلَی إِبْرَهِيمَ وَعَلَی آلِ إِبْرَهِيمَ إِنَّکَ حَمِيدٌ مَجِيدٌ، اللّٰهُمَّ بَارِکْ عَلَی مُحَمَّدٍ وَعَلَی آلِ مُحَمَّدٍ کَمَا بَارَکْتَ عَلَی إِبْرَهِيمَ وَعَلَی آلِ إِبْرَهِيمَ إِنَّکَ حَمِيدٌ مَجِيدٌ.