Muharram aur Auliya Allah part 2

*196 Saal Purane Buzurgh Silsila e Niyaziya Ke Imaam Apne Waqt Ke Qutub e Aalam Hazrat Shah Niyaz Be Niyaz Rehmatullah Alaih Shab e Aashoor Taziya Ki Ziyarat Ko Tashrif Le Jaya Karte The* 👇🏻

Hazrat Shah Niyaz Be Niyaz Rehmatullah Alaih Shab e Aashura Ko Taziya Ki Ziyarat Ki Garz Se Raat Ko 2 Baje Ke Baad Taziya Ki Ziyarat Ko Tashrif Le Jate The Aur 5 Ya 7 Taziyo Ki Ziyarat Karke Wapas Aate The Ek Martaba Ek Aalim Surat Ke Rehne Wale Hazrat! Ke Hamrah Taziya Ki Ziyarat Ko Chale Gaye Hamesha Hazrat Shah Niyaz Sahab Ki Ye Aadat Thi Ke Taziya Ke Takht Ko Hath Laga Kar Apne Muh Aur Qalb Par Pehrte The Magar Is Martaba Hazrat Ne Taziya Ke Takht Ko Bosa Diya Is Par Molvi Sahab Ke Dil Me Khayal Guzra Ke Hazrat Ne Ye Kiya Gazab Kiya Hazrat Shah Niyaz Sahab Ne Unki Baat Se Aagah Hokar Unse Ek Taziya Ki Taraf Dekhne Ko Farmaya Molvi Sahab Ne Dekha Ke Taziya Ke Dono Janib Hazraat e Hasnain Karimain Tashrif Rakhte Hain Ek Shahzade Ka Libaas Sabz Hain Aur Dusre Ka Surk Molvi Sahab Dekhte Hi Gir Pade Behosh Ho Gaye Aur Un Par Behad Rikkat Tari Ho Gayi Yahah Tak Ke Loutne Lage Aur Hazrat Waha Se Dusre Taziye Ki Ziyarat Ke Liye Tashrif Le Gaye.

📚 *Reference* 📚
*1.* Karamat e Nizamiya, Safa 37.
*2.* Riyaz ul Faza’il, Safa 229,230.
*3.* Makhzan ul Khazain, Safa 336.

*101 Saal Purane Buzurgh Taj ul Auliya Hazrat Baba Tajuddin Nagpuri Rehmatullah Alaih Aur Juloos e Imaam e Hussain*

Hazrat Baba Tajuddin Nagpuri Ka Ye Dastoor Tha Ke *Har Saal Muharram Ki 12 Tareekh Ko Hare Rang Ka Jubba Pehan Kar Maidan Me Jate The* Baba Sahab Ke Sath Muhammad Hussain Baba, Ameeruddin, Khawaja Mohiuddin Wagera Ki Gadiyan Hoti Aur Charo Taraf Aaqidat Mando Ki Bheed Hoti Huzoor (Baba Tajuddin Nagpuri) Ki Baggi Ke Kareeb Do Nishan Bardar Adab Se Chalte The, *Is Saal Muharram Ki 12 Tareekh Ko Baba Sahab Ne Alam Bardar Se Alam Apne Hath Me Liya Aur Ya Hussain Ya Hussain Ki Sadai Buland Hone Lagi* Log Zauk Dar Zauk Baba Sahab Ki Qadambosi Ko Aage Aane Lage, Hindu Musalman Sab Hi Baba Sahab Ke Deedar Ki Sharaab Se Jhoom Rahe The Baba Sahab Ashaar Padh Rahe The *Is Tarah Maidan e Karbala (Nagpur Ki Karbala) Jakar Baba Sahab Wapas Hue* Ye 2 August 1925 Ka Din Tha.

📚 *Reference* 📚
Tazkira Baba Tajuddin Auliya, Safa 70.

*196 Saal Purane Buzurgh Silsila e Niyaziya Ke Imaam Qutub e Aalam Hazrat Shah Niyaz Be Niyaz Rehmatullah Alaih Ka Zaeefi Ke Aalam Me Taziya Ki Ziyarat Ko Jana* 👇🏻

Aakhri Umar Me Jab Hazrat Shah Niyaz Be Niyaz Rehmatullah Alaih Ki Jismani Taqat Zaeefi Ki Wajah Se Kam Hui Aur Aap Taziya Sharif Ki Ziyarat Ko Nahi Ja Sake Aap Khamosh Bedhe The Ke Usi Waqt Surat e Noorani Hazrat Janab e Sayyeda Fatima Zahra Salamullah Alaiha Jalwagar Hui Aur Farmaya :- Miya Aaj Hamare Baccho Ki Ziyarat Ko Nahi Uthoge Is Irshad e Sayyeda Fatima Ko Sunna Tha Ke Aap Par Ek Kaifiyat Tari Hui Aapne Khuddamo Ko Hukum Diya Ke Hum Ko Le Chalo Khadimo Ne Arz Kiya Ke Huzoor Ko Chaarpayi Pe Le Chale Aapne Farmaya Nahi Balki Paidal Hi Le Chalo Lihaza Dono Janib Se Khuddam Ne Pakda Aur Aap Paidal Taziya Sharif Ki Ziyarat Ko Tashrif Le Gaye.

📚 *Reference* 📚
*1.* Karamaat e Nizamiya, Safa 37.
*2.* Makhzan ul Khazain, Safa 339.

*207 Saal Purane Muhaddis Raees ul Mufassireen Hazrat Shah Abdul Azeez Muhaddis Dehlavi Rehmatullah Alaih Ka Aaqida Gham e Imaam e Hussain Alaihis Salam Se Mutalliq*

Aap Farmate Hain :- Saal Me Do Majlise Fakeer Ke Makan Me Hua Karti Hain Majlise Zikr e Wafaat Sharif Aur Majlis e Shahadate Hussain, Ye Aashura Ya Usse Ek Do Din Qabl Hoti Hain Darood Sharif Fazail e Hasnain Karimain, Shahadat Ka Zikr Unke Masaib Ka Bayan Aur Unke Qatilo Ki Bad Unwani Ka Bayan Kiya Jata Hain Isi Ziman Me Baaz Marsiya Jo Jinnat Aur Pariyo Se Sayyeda Umme Salma Salamullah Alaiha Aur Digar Sahabiyo Se Suna Hain Wo Bhi Zikr Kiya Jata Hain Aur Wo Khuwaab Jo Hazrat e Ibne Abbas Razi Allahu Tala Anhu Aur Digar Sahaba e Kiram Ne Dekhe The, Isse Maloom Hota Hain Janab e Risalat Ma’aab Rasool e Akram ﷺ Ko Is Waqia Se Nihayat Ranjo Alam Hua Is Asna Me Sharayi Tour Par Marsiya Padhne Par Hazreen e Majlis Aur Is Fakeer Ko Bhi Halat e Rikkat Aur Giriya Lahak Ho Jata Hain Agar Ye Sab Fakeer Ke Nazdeek Jayaz Na Hota To Fakeer Hargiz Na Karta.

📚 *Reference* 📚
Fatawa Azeeziya, Safa 199.

*123 Saal Purane Hindustan Ke Jaleel ul Qadr Buzurgh Taaj ul Fuqara Hazrat Haji Sayyed Waris Ali Shah Sahab Rehmatullah Alaih Bhi Taziya Sharif Ki Ziyarat Ko Jate The Aur Sabeel e Imaam e Hussain Lagate The*

Maah e Muharram Me Huzoor Waris e Pak Taziya Khaano Me Jate The Aur Aakhiri Zamane Me Bhi Dewa Sharif Me Choti Bibi Aur Ghaseete Shah Ke Taziyo Me Jate The Kabhi Kabhi Thori Dair Nashist Farmate Aur Kabhi Samne Khade Hokar Chale Aate. Subah Ko Kul Basti Ke Taziye Aapke Darwaze Par Aate The To Huzoor Waris e Pak Us Waqt Bahar Tashrif Late To Aap Khade Hue Dekhte Rehte The Jab Taziya Daar Taziyo Ko Lekar Chale Jate Us Waqt Waris e Pak Andar Tashrif Late The Taziye Ko Dekhte Waqt Chehra e Anwar Ki Ajeeb Halat Mushahide Me Aati Thi Aur Huzoor Waris e Pak Sukoot Me Rehte The Aur Ashra e Muharram Aur Chehlum (20 Safar ul Muzaffar) Ke Roz Aastane Par Sabeel Rakhi Jati Thi. Huzoor Waris e Pak Ek Muharram Se Tilawat e Qur’an Khoob Kasrat Se Karte The Magar Akhiri Zamane Me Had Darje Ka Sukoot Dekha Gaya.

📚 *Reference* 📚
Mishkat e Haqqaniya, Safa 91.

*309 Saal Purane Silsila e Qadriya Ke Buzurgh Makhdoom ul Aafaq Hazrat Sayyed Abdur Razzak Banswi Rehmatullah Alaih Jinke Mureedo Me Darse Nizami Ke Bani Ustad ul Hind Hazrat Mulla Nizamuddin Firangi Mahali Rehmatullah Alaih Jese Aalim Ho Wo Nange Pair Taziya Ki Ziyarat Ko Jate The Taziya Ke Samne Hath Band Kar Khade Rehte The Aur Taziya Ko Nadi Me Dafan Karne Jate The* 👇🏻

Ek Martaba 9 Muharram Ko Nadi Ko Tashrif Le Gaye, Raste Me Jolahe Hazraat Ke Ilaqe Me Taziya Bante The Hazrat Abdur Razzak Banswi Ziyarat Ko Tashrif Na Le Gaye Makan Par Tashrif Laye Raat Ko Khuwaab Dekha Ki Me Ziyarat Ko Gaya Hu Aur Dono Sahabzado (Imaam Hasan wa Imaam Hussain) Ki Surat Hazir Hain Unko Jo Door Se Dekha To Farmaya Ki Abdur Razzak Tum Hamare Yaha Nahi Aate Ho Nazdeek Gaye Qadambos Kiya Qadambos Karke Makan Par Tashrif Laye *Usi Roz Se Ye Mukarrar Kiya Ki Jis Waqt Taziya Udhta Tha To Aap Nange Pairo Tashrif Le Jate The* Peshwayi Karke Ghar Ko Le Aate The *Jab Tak Taziya Rakha Rehta Tha To Aap Hath Bande Khade Rehte* Jab Taqat Kam Rahi Tab Deewar Ki Ya Lakhdi Ki Aadh Pakhde Rehte Jab Taziya Rukhsat Hota To *Aap Nange Pairo Nadi Tak Sath Jate Dafan Karke Ghar Ko Tashrif Late The.*

📚 *Reference* 📚
Karamaat Razzakiya, Safa 31.