*755 Saal Purane Buzurgh Silsila e Sabriya Ke Imaam Hazrat Makhdoom Alauddin Ali Ahmad Sabir Pak Kaliyari Rehmatullah Alaih Ka Hazrat Imaam Hussain Alahis Salam Ki Shan Me Likha Hua Marsiya Ka Urdu Tarjuma* 👇🏻
Muharram Ka Mahina Aa Gaya Hain Aur Dard o Alam Phir Se Taza Ho Gaye Hain
Balqe Ins o Jaa’n Ke Zakham Sitam Taza Ho Gaye Hain.
Juhi Kaano Ne Muharram Ka Naam Suna
To Mere Pareshan Khatir Dil Me Gham Ki Aag Taza Ho Gayi.
Azal Se Hi Kaynat Me Aah o Buka Jari Hain
Lekin Gham e Hussain Ke Dard Ne Ye Aah o Nala Taza Kar Diye Hain.
Yazeed e Laeen Ki Saikdon Talwaro Ne Ye Zulm o Sitm Kiya
Goya Usne Maghmoom Dilo Par Ye Iqdaam Karke Hizn o Malal Taza Kar Diya.
Jo Koi Bhi Gham e Hussain Me Aansu Bahata Hain
Us Par Allah Ta’ala Ka Lutf o Karam Taza Ho Jata Hain.
Aye Sabir! Us Khoon Aasham Raat Ki Wajah Se Har Raat Ghamgeen o Dardnaak Ho Gayi
Muharram Ka Mahina Aa Gaya Hain Aur Ranj o Alam Taza Ho Gaye Hain.
📚 *Reference* 📚
Deewan e Sabir, Az Hazrat Makhdoom Alauddin Ali Ahmad Sabir Sahab Kalyari, Safa 33.
*781 Saal Purane Jaleel ul Qadr Buzurgh Silsila e Chishtiya Ki Mashoor o Maroof Shaksiyat Hazrat Baba Fareeduddin Masood Ganj Shakar Rehmatullah Alaih Aur Gham e Imaam e Hussain Alahis Salam*
Hazrat Shah Sulaiman Phulwari Chishti Qadri Rehmatullah Alaih Jo Hazrat Baba Fareeduddin Masood Ganj Shakar Rehmatullah Alaih Ki Nasal Se Hain Aur Mureed o Shagird Ghous e Zama’n Hazrat Fazle Rehma’n Ganj Muradabadi Rehmatullah Alaih Ke Hain Aur Khalifa Hazrat Haji Imdadullah Muhajir Makki Rehmatullah Alaih Ke Hain Wo Apni Kitaab Gham e Hussain Me Likhte Hain :- Hazrat Baba Fareeduddin Masood Ganj Shakar Se Manqool Hain Ke Baghdad Sharif Me Ek Buzurgh The Jinke Samne Hazrat Imaam Hussain Ki Shahadat Ka Zikr Hua Wo Is Qadar Roye Ke Rote Rote Zameen Par Sar De Mara Aur Unka Sar Phat Gaya Jiski Wajah Se Unka Wisal Ho Gaya. Usi Raat Logo Ne Unko Khuwab Me Dekha Aur Haal Poucha To Farmaya :- Mene Ahle Baith Ki Muhabbat Me Apni Jaan Dedi Thi Isliye Khuda Ne Mujhko Baksh Diya Aur Me Hazrat Imaam Hussain Ke Saath Rehta Hu. Aur *Khud Baba Fareeduddin Masood Ganj Shakar Bhi Aashura Ke Din Karbala Ki Yaad Me “Haay Haay” Ka Nara Lagate Aur Behosh Ho Jate The.*
📚 *Reference* 📚
Gham e Hussain, Safa 57, 58.
*721 Saal Purane Jaleel ul Qadr Buzurgh Silsila e Chishtiya Ki Mashoor o Maroof Shaksiyat Nizami Silsila Ke Imaam Hazrat Khawaja Nizamuddin Auliya Rehmatullah Alaih Aur Gham e Imaam Hussain Alahis Salam*
Hazrat Khawaja Ameer Khusro Rehmatullah Alaih Farmate Hai Ki :- Muharram Ki 5 Tareekh Ko Hazrat Khawaja Nizamuddin Auliya Rehmatullah Alaih Ki Qadambosi Ka Sharf Hasil Hua, Bat Cheet Ke Dauran Hazrat Khawaja Nizamuddin Auliya Khoob Rone Lage Aur Farmaya Ki Hazrat Fatima Salamullah Alaiha Ke Jigar Gosho Ka Haal Sabko Maloom Hain Ki Zalimo Ne Unko Dashte Karbala Me Kis Tarah Bhooka Piyasa Shaheed Kiya Phir Farmaya Ki Imaam Hussain Ki Shahadat Ke Din Sara Jahan Teera wa Taar Ho Gaya Bijli Chamak Ne Lagi Aasman Aur Zameen Jumbish Karne Lage Farishte Gazab Me The Aur Bar Bar Allah Ta’ala Se Ijazat Talab Karte The Ke Hukum Ho To In Tamaam Iza Darindo Ko (Yazeediyo Ko) Maliya Met Kar Dein Hukum Hota Hain Ke Tumhe Usse Kuch Wasta Nahi Hain Takdeer Yu Hi Hain Me Janu Aur Mera Dost Hussain Tumhara Isme Dakhal Nahi Hain Me Qayamat Ke Din Un Zalimo Ke Bare Me Unhi (Imaam Hussain) Se Faisla Karaunga Jo Kuch Wo Kahenge Usi Ke Mutabik Hoga.
📚 *Reference* 📚
*1.* Rahat ul Muhibbeen, Safa 157,158.
*2.* Shame Karbala, Safa 336.
*638 Saal Purane Buzurgh Silsila e Ashrafiya Ke Imaam Ghous ul Aalam Hazrat Sayyed Makhdoom Ashraf Jahangir Simnani Rehmatullah Alaih Ka Ashra e Muharram Me Mamool* 👇🏻
Hazrat Sayyed Ali Qalandar Rehmatullah Alaih Hazrat Khawaja Yousuf Chishty Rehmatullah Alaih Ke Mureed The Aur Bade Aali Martabat Buzurgh The Aur *Unka Mamool Tha Ke Muharram Ke Ashra e Awwal (Shuru 10 Din Me) Alam Ke Neeche Bedhte The* Aur Apne Mureedo Ko Dore Ke Liye Bhej Dete The *Nafees Libaas (Acche Kapde) Is Ashra Me Nahi Pehante The Aur Aesh wa Shadi Ke Asbaab Tark Kar Dete The.* Hazrat Makhdoom Ashraf Simnani Rehmatullah Alaih Ne Bhi Kabhi Ye Dora Tark Nahi Kiya. *Sayyed Ali Qalandar Rehmatullah Alaih Ki Tarah Khud Alam Ke Neeche Bedhte* Aur Ashaab Ko Dore Ki Ijazat Dete Lekin Ashra Ke Aakhir 3 Din Khud Bhi Ashaab Ke Sath Galiyon Me Gasht Lagate The.
📚 *Reference* 📚
Lataif e Ashrafi, Jild 2, Safa 245, 246.
Muallif – Hazrat Shaikh Nizam Yamani Rehmatullah Alaih.
Matbua – Makhdoom Ashraf Academy, Khichucha Sharif, Uttar Pradesh, India.
*309 Saal Purane Silsila e Qadriya Ke Hindustan Ke Azeem ul Martabat Buzurgh Makhdoom ul Aafaq Hazrat Sayyed Abdur Razzak Bansawi Rehmatullah Alaih Kiya Farmate Hain Taziya Sharif Ke Bare Me* 👇🏻
Taziya Jise Kaghaz Aur Baans Ki Lakdi Se Banate Hain Use Sirf Lakdi Aur Kaghaz Tasawwur Nahi Karna Chahiye Balqi Kabhi Kabhi Arwahe Muqaddasa (Rooh e Hasnain Karimain) Bhi Uski Taraf Mutwajjah Hoti Hain.
📚 *Reference* 📚
Karamaat e Razzakiya, Safa 19.
*328 Saal Purane Hindustan Ke Badshah 12wi Sadi Ke Mujjaddid Shehanshah e Saltanat ul Hindiya wal Mughaliya Hazrat Abul Muzzaffar Mohiuddin Muhammad Aurangzeb Alamgir Rehmatullah Alaih Ka Taziya Sharif Ko Apne Sar Par Udhane Ka Pura Waqiya*
Tarikh e Aalamgeeri Me Likha Hain Ke Roze Aashura Badshah Aurangzeb Alamgir Ne Ek Zaeefa Aurat Ko Dekha Ki Sar Par Taziya Rakhe Qila (Fort) Ki Taraf Ja Rahi Hain Dekhne Ke Saath Hi Badshah Par Jazb wa Istagrak Ki Kaifiyat (Jo Kashf wa Mushahaida Se Hasil Hoti Hain) Tari Ho Gayi Jisse Wo *Nange Sar Nange Pair Us Zaeefa Aurat Ki Taraf Peeche Peeche Dore Yahan Tak Ki Taziya Usse Lekar Apne Sar Par Rakh Liya* Aur Qila Me Dakhil Ho Gaye Aur Usi Waqt Se Azadari Karne Lage.
📚 *Reference* 📚
Maslak e Ahle Sunnat Aur Taziyadari, Musannif Molana Abdul Kamal Sayyed Ahmad Kazmi, Matbua Meerut.
*Imaam Bargah Alam Aur Taziya Ka Adab o Ahtaram Karna Ahle Imaan Ka Tariqa Raha Hain*
Siraaj ul Hind Hazrat Shah Abdul Azeez Muhaddis Dehlawi Rehmatullah Alaih Ke Shagird e Rasheed 200 Saal Purane Buzurgh Hazrat Shaikh Molana Salamat Ali Dehlawi Rehmatullah Alaih Tehreer Farmate Hain :-
Khuda Ka Shukur Hain Ki Taziyadari Aasare Islaam Me Se Hain Aur Ek Aalam Iske Faizan Se Behrawar Hain Aur Isse Deeni Faide Hasil Hote Hain Isme Koi Shaq Nahi Ki Imaam Bargah, Taziya, Alam Banane Ke Baad Zaroor Tazeem Ke Layak Hain Aur In Cheezo Ki Tazeem wa Adab Karna Ahle Imaan Ke Shayane Shan Hain.
📚 *Reference* 📚
Tabsirat ul Imaan, Safa 220, Matbua Kolkata San Taba’at 1236 Hijri.
*Aala Hazrat Molana Ahmad Raza Khan Fazil e Barelvi Rehmatullah Alaih Ke Dada Jaan Hazrat Allama Mufti Raza Ali Khan Sahab Naqshbandi Rehmatullah Alaih Ke Peer o Murshid 133 Saal Purane Buzurgh Owais e Dauran Ghous e Zaman Hazrat Shah Fazle Rehma Ganj Muradabadi Rehmatullah Alaih Taziya Sharif Ke Bare Me Farmate Hain 👇🏻*
*Darr e Bab Taziya, Guftagu Hargiz Na Bayad Kard wa Maqaam e Adab Shud.*
*Tarjuma:-* Taziya Ke Bare Me Hargiz Na Zeba Baate Nahi Karni Chahiye, Ye Adab Ka Maqaam Hain.
📚 *Reference* 📚
Zamimya Rasail, Safa 293.
*131 Saal Purane Silsila e Naqshbandiya Ke Jaleel ul Qadr Buzurgh Aarifbillah Qutub ul Irshad Hazrat Khawaja Sai Tawakkal Shah Sahab Ambalwi Rehmatullah Alaih Ka Ashra e Muharram Ka Mamool* 👇🏻
Hazrat Sai Tawakkal Shah Sahab Ambalwi Rehmatullah Alaih Ka Mamool Tha Ke Aap Ashra e Muharram Me (Muharram Ke Shuru Ke 10 Din) Khand Ka Sharbat Doodh Me Mila Kar Pilate Aur Khana Khilaya Karte Aur Inka Sawaab Hazrat Imaam Hussain Alahis Salam Ko Pouchaya Karte The.
📚 *Reference* 📚
Zikr e Khair Almaroof Ba Sahifa e Mehboob, Bab 5, Safa 224.
*Muharram Me Hara Libas*
*Auliya Allah Se Sabit Hain*
Taaj ul Auliya Shehansha e Hafta e Aqleem Taaj ul Millat e Waddin Hazrat Sayyed Baba Taajuddin Muhammad Nagpuri Rehmatullah Alaih Ka Mamool Tha 10 Muharram ul Haraam Ko Sabz (Hara) Jubba Pehan Kar Bahar Maidan Me Tashrif Le Jate The.
📚 *Reference* 📚
*1.* Azkare Taaj ul Auliya, Safa 397
Aal-e-Qutub Aal-e-Syed Abdullah Shah Ghazi 