Ummul Momineen Sayyeda Maymunah Ki Mola Ali Se Muhabbat
Jari Ibn Kulaib Al Amiri Farmate Hain :- Jab Ameer ul Momineen Sayyedna Ali Alahis Salam Siffin Ki Janib Rawana Hue Mujhe Ye Ladayi Pasand Na Thi, Me Madina Munawwara Aa Gaya Aur Ummul Momineen Sayyeda Maymunah Salamullah Alaiha Ki Khidmat Me Hazir Hua Unhone Mujhse Poucha Ki Tum Kon Ho ? Mene Kaha Kufa Walo Me Se, Phir Unhone Mujhse Aane Ka Maqsad Poucha Mene Kaha Sayyedna Ali Siffin Ki Janib Rawana Hue Hain To Unhone Poucha Kya Tumne Unki Bai’at Ki Thi ? Mene Kaha Ji Haa! Unhone Farmaya Tum Laut Jao Aur Unke Lashkar Me Shareek Ho Jao Khuda Ki Qasam! Wo Na Khud Gumrah Hain Aur Na Unke Saath Rehne Wala Gumrah Ho Sakta Hain.
📚 Reference 📚
Mustadrak Ala Al Sahihain, Hadees No 4680, Imam Hakim Ne Is Hadees Ko Imaam Bukhari Aur Imaam Muslim Ki Sharait Par Sahi Qarar Diya Hain.
*Ummul Momineen Sayyeda Umme Salma Ki Mola Ali Se Muhabbat*
Jab Ameer ul Momineen Mola Ali Alahis Salam Basra Ki Janib Rawana Hue To Mulaqat Ke Liye Ummul Momineen Sayyeda Umme Salma Salamullah Alaiha Ke Pas Aaye To Sayyeda Umme Salma Ne Dua Dete Hue Kaha Aap Allah Ki Hifz o Amaan Me Jaye Khuda Ki Qasam! Beshak Aap Hi Haq Par Hain Aur Haq Aapke Sath Hai, Rasoolullah ﷺ Ne Hame Gharon Me Thehrne Ka Hukm Diya Hain Agar Allah Aur Uske Rasool Ki Nafarmani Ka Dar Na Hota To Me Bazate Khud Aapke Saath Chalti Phir Bhi Me Apne Bete Umar Ko Aapke Saath Rawana Karti Hun Jo Mujhe Meri Jaan Se Bhi Zada Azeez Hai.
📚 *Reference* 📚
Mustadrak Ala Al Sahihain, Hadees No 4611.
Aal-e-Qutub Aal-e-Syed Abdullah Shah Ghazi 