Huzoor Nabi E Akram SallAllahu Alaihi wa Aalihi wa Sallam Ke Jism Ka Hissa

Huzoor Nabi E Akram SallAllahu Alaihi wa Aalihi wa Sallam Ke Jism Ka Hissa

Ahadees me aata hai ke Ummul Momineen Hazrat Sayyeda Umme Salma Salamullahi Alaiha ke khwab me dekha ke Aaqa SallAllahu Alaihi wa Aalihi wa Sallam ke Jism-e-Mubarak se Hissa kaat kar Aapki Goudh me rakha jaraha hai. Aap jab bedaar huin to badi pareshan hogayin ke ye kaisa bura khwab dekha maine. Usi dar aur pareshani ki kaifiyat me ye khwab Aaqa SallAllahu Alaihi wa Aalihi wa Sallam ki Bargah-e-Aqdas me arz kardiya to Aaqa SallAllahu Alaihi wa Aalihi wa Sallam bade khush hue aur farmaya ke isme pareshan hone ki koi baat nahi ye to bada Mubarak khwab hai! Is khwab ki taabir Aaqa SallAllahu Alaihi wa Aalihi wa Sallam ne farmayi ke ankareeb Sayyeda Fatimah tuz Zahra Salamullahi Alaiha ke haan ye beta paida hoga jisko Tumhari Goudh me diya jayega.
Aur fir kuch dino ke baad yaani 15 Ramzan-ul-Mubarak ko Imam Hasan Alaihissalam ki Wiladat hui aur fir Aapko Hazrat Umme Salma RadiAllahu Anha ne Apni Goudh Mubarak me uthaya.

Is Hadees e Pak se sabit hota hai Imam Hasan Alaihissalam na sirf Aaqa SallAllahu Alaihi wa Aalihi wa Sallam ke Nawase hain balke Aaqa SallAllahu Alaihi wa Aalihi wa Sallam ki Jaan aur Jism Mubarak ke bhi Hissa hain. ❤

Allahumma Salle Ala Jaddil Hasnain wa Ummil Hasnain wa Abil Hasnain wa Ukhtil Hasnain wa Alaihima wa Aalihi wa Ashabihi wa Baarik wa Sallim💞