Shaan E Wilayat Maula E Kainaat Aur Wilayat E Khwaja Garib Nawaz

Shaan E Wilayat Maula E Kainaat Aur Wilayat E Khwaja Garib Nawaz

Hazrat Maula E Kainaat Sayyeduna Maula Imam Ali Ul Murzata Ibne Abi Talib Alaihisalam Ki Shaan Ba Zabaan E Khwaja Moinuddin Chishti Ajmeri RadiAllahu Ta’ala Anhu

Hazrat Ali Aur Khwaja Moinuddin Chishti RadiAllahu Ta’ala Anhu Ki Wilayat Mein Kya Farq Hai,
Hazrat Khwaja Moinuddin Chishti Hasan Sanjari RadiAllahu Taala Anhu Se Kisi Ne Puchha Ki “Huzoor ! Ye Bataiye Ki Aap Bhi Allah Ke Wali He Aur Hazrat E Maula Ali Alaihisalam Bhi Allah Ke Wali Hain To Aapki Aur Maula Ali Alaihisalam Ki Wilayat Me Kya Farq He ?

Hazrat Khwaja Moinuddin Chishti RadiAllahu Ta’ala Anhu Ne Sawal Karne Wale Se Puchna “Tum Kya Karte Ho ?”
Woh Bola “Me Zameendar Hun Aur Kaafi Ekad Zameen Ka Maalik Bhi Hun”
Ab Us Sawal Karne Wale Ke Saath Dusra Aadmi Bhi Tha Aap RadiAllahu Taala Anhu Ne Us Se Puchha Ki “Tum Kya Karte Ho ?”

Us Ne Kaha “Hazrat Me Is Zameendar Ki Usi Zameen Par Mazarah (Kisaan) Hun Aur Hal Chalata Hun.”

Hazrat Khawaja Moinuddin Chishti RadiAllahu Ta’ala Anhu Ne Kaha Suno Jo Farq Zameendar Aur Mazarah (Kisaan) Ke Mansab Me Hai , Wohi Farq Mere Aur Maula Ali Alaihisalam Ki Wilayat Me Hai Hazrat E Maula Ali Alaihisalam Wilayat E Zameen Ke Maalik Hain Aur Hum Un Ke Mazarah Yaani (Kisaan) Hain Hamara Kaam Zameen E Wilayat Mai Hal Chalana Hai . Aur Wilayat Ki Fasal Ke Asl Maalik To Maula Ali Alaihisalam Hain

Jisko Chahe Khairat Ata Kar De Isi Liye Sab Auliya Kahte Hain Ki Hamein Wilayat Maula Ali Alaihisalam Ki Bargaah Se Mili He Aur Isi Liye Maula Ali Alaihisalam Ko Sayyed Ul Auliya Kaha Jata Hai.

Reference : Tazkiratul Mehboob Page 221