Mujhe Qasim banakar Mab’oos kiya gaya hai.

Hazrat Jabir ibne Abdullah RadiAllahu Anhuma bayan karte hain ke Huzoor Nabi-e-Akram SallAllahu Alaihi wa Aalihi wa Sallam ne farmaya:

“Mera Naam rakho aur Meri Kunniyat (Abul Qasim) na rakho. Mai he (Qasim) taqseem karne Waala Hun aur Mai he tum me taqseem karta Hun.”

Sahih Bukhari, 3/1133, 2946
Sahih Muslim, 3/1682, 2133

Aur Bukhari Muslim he dusri Muttafaq Alaih Hadees me Irshad Farmaya ke:
“Mera Naam rakho aur Meri Kunniyat na rakho. Pas beshaq Mai he Qasim (Taqseem karne wala) banaya gaya hun aur Mai he tum me (Allah ki Naymate) baanta hun.”
Aur Hazrat Huswain (seen ki jagah Swaad hai) RadiAllahu Anhu bayan karte hain ke Aap SallAllahu Alaihi wa Aalihi wa Sallam ne farmaya:
“Mujhe Qasim banakar Mab’oos kiya gaya hai. Mai he tumhare darmiyan (Allah Ta’ala ki Naymaten) baanta Hun.”

Bukhari, 5/2290, 5843
Bukhari, Adab ul Mufrad, 292, 839
Muslim, 3/1683, 2133