Ahlebait e Athaar aur Qafila e Hussaini par Karbala mein sirf pani band nhi hua tha , Unke samne dikha dikha kar pani piya bhi gaya aur Zameen par zaaya bhi kiya gaya !!!
Saqqa e Sakinah ع Sarkar e Alamdar Hazrat e Abbas ع ko sirf Shaheed nhi kiya gaya aapke Bazu bhi kate gaye aur Aapki Aankh mein Teer bhi mara gaya !!!
6 Mahe Sheer Khwaar Shahzade ke Sirf Gale mein hi Teer nhi Laga balke aapki Nanhi Qabr se Nikal kar sar bhi tan se juda kiya gaya tha !!!
Shabeeh e Payambar Shahzada Ali Akbarع ke sirf Seene par Barchhi Nahin Lagi thi balke Seene ke andar gaad kar barchhi todi bhi gayi thi !!!
Farzand e Zehra ص Jannati Jawano ke Sardar imam Hussain ع ko sirf zibeh hi nhi kiya gaya tha Balke Tan e Aqdas par Ghode Dauda kar Laasha Paamaal bhi kiya gaya tha !!!
4 Saal ki Shahzadi Sayyadah Sakinah ع ko Baba ke Qatl ke baad sirf Tamache hi Nahin mare gaye the Balke Kaano se baaliyaa’n bhi kheinch Li gayi thien !!!
Aashoor e Muharram mein baad e Shahadat e Farzand e Rasool ص sirf Kheme hi Nahin Loote aur jalaye Gaye Balke Bibiyon ke Saron se Chadarein bhi chheeni gayi thien
Karbala mein sirf Shahdatein nhi huien Zulm hua tha Zulm !!! Zulm e Azeem !!! 😭
Hum kaise Gham na karein , Hum kaise Muskurayein , Jab Rehmat e Aalam ص ki Rooh Zakhmi hai
Aap kehto ye sab bhool jao , Hum kaise bhula dein jab Fitrat o Qudrat bhi is Gham mein shamil hai !!!
_Az Qalam: Shahzad e Gausul Azam Qibla Huzur Hazrat Allama Syed Yadgar Shah
Warsi Madda-zillahaul-Aali-WanNoorani
Aal-e-Qutub Aal-e-Syed Abdullah Shah Ghazi 