Ḳhẉāb kitne qism ke hote haiṅ?

*Ḳhẉāb kitne qism ke hote haiṅ?*

“Ḥaz̤rat Abū Hurayrah raḍiya Allāhu ‘anhu se riwāyat hai Ḥuz̤ūr Nabīye Akram ṣallá Allāhu ‘alayhi wa-Ālihi wa-sallam ne farmāyā: jab qurbe qiyāmat kā zamānah qarīb hogā to qarīb hai keh Musalmān ke ḳhẉāb jhūt̥e hoṅ aur tum meṅ se sachche ḳhẉāb wālā tum meṅ sab se ziyādah sach bolne wālā hai, aur Musalmān kā ḳhẉāb nubūwat ke paiṅtālīs ajzā’ meṅ se ek juz’ hai. Aur ḳhẉāb tīn qism ke hote haiṅ: ek ṣāleḥ ḳhẉāb hotā hai jo keh Allāhu Taʻālá kī ṭaraf se bashārat hotā hai, aur ġham-gīn-o pareshān kar dene wālā ḳhẉāb Shayṭān kī ṭaraf se hotā hai. Aur ek ḳhẉāb insān ke apne ḳhayālāt hote haiṅ (jo woh din bhar sochtā răhtā hai.) Lehāz̲ā jab tum meṅ se ko’ī nā-pasandīdah bāt dekhe to use chāhiye keh ut̥h khar̥ā ho aur namāz par̥he aur woh ḳhẉāb kisī se bayān bhī nah kare. Aur Āp ṣallá Allāhu ‘alayhi wa-Ālihi wa-sallam yeh bhī farmāte the keh mujhe (ḳhẉāb meṅ) qaid pasand hai aur ṭauq ko meṅ pasand nahīṅ kartā (kyūṅ-keh) qaid Dīn par s̲ābit-qadamī (kī ʻalāmat) hai.”
Imām Tirmid̲h̲ī ne in alfāẓ kā iz̤āfah bayān kiyā: “aur Āp ṣallá Allāhu ‘alayhi wa-Ālihi wa-sallam yeh bhī farmāte the: jis ne (ḳhẉāb meṅ) mujhe dekhā us ne ḥaqīqatan mujhe hī dekhā kyūṅ-keh Shayṭān merā ham-shakl nahīṅ ban saktā. Aur Āp ṣallá Allāhu ‘alayhi wa-Ālihi wa-sallam yeh bhī farmāte: apnā ḳhẉāb kisī ʻĀlim yā apne kisī ḳhair-ḳhẉāh ke siwā kisī aur ke sāmne bayān nah kiyā karo.”

[Muslim fī al-Ṣaḥīḥ, 4/1773, raqam: 2263,
Tirmid̲h̲ī fī al-Sunan, 4/537, 541, raqam: 2280, 2291]


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s