Huzoor Nabi-E-Akram صَلَّى الله تَعَالىٰ عَلَيْهِ وَالِه وَسَلَّم Ke Ahl-E-Bayt Aur Qaraabatdaron Ke Manaqib

img-20210907-wa00274218795173754283989.jpg

01/01
“Hazrate Aboo Sa’iyd Khudri RadiyAllahu Ta’ala Anhu Se Riwayat Hai Ki Huzoor Nabiyy-E-Akram SallAllahu Ta’ala Alayhi Wa Aalihi Wa Sallam Ne Farmaya :
Aagaah Ho Jaawo!
Mera Jaama Daan Jis Se Mein Aaraam Paata Hoo’n Mere Ahl-E-Bayt Hai Aur Meri Jama’at Ansaar Hain.
Un Ke Buro’n Ko Muaaf Kar Do Aur Un Ke Nekokaaro’n Se (Achchhaa’i Ko) Qubool Kar Lo.”

Is Hadith Ko Imam Tirmidhi Aur Ibn Abi Shaybah Ne Riwayat Kiya Hai Neez Imam Tirmidhi Ne Farmaya Ki Ye Hadith Hasan Hai.

[Tirmidhi Fi As-Sunan, 05/714, Raqam-3904,

Ibn Abi Shaybah Fi Al-Musannaf, 06/399, Raqam-32357,

Shaybani Fi Al-Ahadith Wa’l Mathani, 03/332, Raqam-1716,

Ibn Sa’d Fi At-Tabqat-ul-Kubra, 02/252,

Ghayat-ul-Ijabah Fi Manaqib-il-Qarabah,/23, Raqam-01.]

02/02
“Hazrat Zayd Bin Thabit RadiyAllahu Ta’ala Anhu Bayan Karte Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya :
BeShak Mein Tum Me Do² Na’eeb Chhod Kar Jaa Raha Hoo’n.
Aik Allah Ta’ala Kee Kitab Jo Ki Aasman Wa Zamin Ke Darmiyan Phaili Huwi Rassi (Kee Tarah) Hai Aur Meri Itrat Ya’ni Mere Ahl-E-Bayt Aur Ye Ki Ye Donon Us Waqt Tak Harghiz Juda Nahin Honge Jab Tak Ye Mere Paas Hawz-E-Kawthar Par Nahin Pahunch Jaate.”

Is Hadith Ko Imam Ahmad Bin Hanbal Ne Riwayat Kiya Hai.

[Ahmad Bin Hanbal Fi Al-Musnad, 05/181, Raqam-21618,

Haythami Fi Majma’-uz-Zawa’id, 09/162,

Ghayat-ul-Ijabah Fi Manaqib-il-Qarabah,/23, 24, Raqam-02.]

03/03
“Hazrat Abd-ur-Rahman Bin Awf RadiyAllahu Ta’ala Anhu Bayan Karte Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Makkah Fatah Kiya Phir Ta’eef Ka Rukh Kiya Aur Us Ka Aanth-08 Ya Saat-07 Din Muhaasrah Kiye Rakha Phir Subah Ya Shaam Ke Waqt Us Me Daakhil Ho Gaye Phir Padaaw Kiya Phir Hijrat Farmayi Aur Farmaya :

Aye Logon !
BeShak Mein Tumhare Liye Tum Se Pahle Hawz Par Mawjood Hoonga Aur BeShak Mein Tumhein Apni Itrat Ke Saath Neki Kee Wasiyat Karta Hoo’n Aur BeShak Tumhara Thikaana Hawz Hoga…… Al-Hadith.”

Is Hadith Ko Imam Hakim Ne Riwayat Kiya Hai Aur Farmaya Ki Ye Hadith Sahih Hai.

[Hakim Fi Al-Mustadrak, 02/131, Raqam-2559,

Ghayat-ul-Ijabah Fi Manaqib-il-Qarabah,/24, Raqam-03.]

04/04

“Hazrat Zayd Bin Arqam RadiyAllahu Ta’ala Anhu Se Riwayat Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya :
Aye Logon!
Mein Tum Me Do² Chizein Chhod Kar Jaane Waala Hoo’n Aur Agar Tum Un Kee Ittaba’ Karoge To Kabhi Gumraah Nahin Howoge Aur Woh Do² Chizein Kitab-ul-Allah Aur Mere Ahl-E-Bayt Hain Phir Aap SallAllahu Ta’ala Alayhi Wa Aalihi Wa Sallam Ne Farmaya :
Kya Tum Jaante Ho Mein Mominin Kee Jaanon Se Badh Kar Un Ko Aziz Hoo’n Aap SallAllahu Ta’ala Alayhi Wa Aalihi Wa Sallam Ne Aysa Teen³ Martaba Farmaya. Sahaba-E-Kiram Ridwan-ul-Allahi Ta’ala Alayhim Aj’maeen Ne Arz Kiya :
Ha’n Ya RasoolAllah ﷺ !
To Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya :
Jis Ka Mein Mawla Hoo’n Ali Bhi Us Ka Mawla Hai.”

Is Hadith Ko Imam Hakim Ne Riwayat Kiya Hai Aur Kaha Ki Ye Hadith Sahih Hai.

[Hakim Fi Al-Mustadrak, 03/118, Raqam-4577,

Ghayat-ul-Ijabah Fi Manaqib-il-Qarabah,/25, Raqam-04.]

05/05
“Hazrat Abdullah Bin Abbas RadiyAllahu Ta’ala Anhuma Se Marwi Hai Ki Jab Ye Aayat :
﴿قُلۡ لَّاۤ اَسۡـَٔلُکُمۡ عَلَیۡہِ اَجۡرًا اِلَّا الۡمَوَدَّۃَ فِی الۡقُرۡبٰی﴾
Naazil Huee To Sahaba-E-Kiram Ridwan-ul-Allahi Ta’ala Alayhim Aj’maeen Arz Kiya :
Ya RasoolAllah ﷺ !
Aap Kee Qaraabat Koun Hain Jin Kee Mohabbat Hum Par Waajib Hai ?
To Aap SallAllahu Ta’ala Alayhi Wa Aalihi Wa Sallam Ne Farmaya :
Ali, Fatimah Aur Un Ke Do² Beyte (Hasan Wa Husayn).”

Is Hadith Ko Imam Tabarani Ne Riwayat Kiya Hai.

[Tabarani Fi Al-Mu’jam-ul-Kabir, 03/47, Raqam-2641,

Haythami Fi Majma’-uz-Zawa’id, 09/168,

Ghayat-ul-Ijabah Fi Manaqib-il-Qarabah,/25, 26, Raqam-05.]

S
06/06
“Hazrat Zayd Bin Arqam RadiyAllahu Ta’ala Anhu Aik Tawil Riwayat Me Bayan Karte Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Farmaya :
Pas Ye Dekho Ki Tum Do² Bhaari Chizon Me Mujhe Kaise Baaqi Rakhte Ho.
Pas Aik Needa Dene Waale Ne Needa Dee Ya RasoolAllah ﷺ !
Woh Do² Bhaari Chizein Kya Hain ?
Aap SallAllahu Ta’ala Alayhi Wa Aalihi Wa Sallam Ne Farmaya :
Allah Ta’ala Kee Kitab Jis Ka Aik Kinaara Allah Ta’ala Ke Haath Me Aur Dusara Kinaara Tumhaare Haathon Me Hai Pas Agar Tum Ise Mazbooti Se Thaame Raho To Kabhi Bhi Gumraah Nahin Howoge Aur Dusari Chiz Meri Itrat Hai Aur BeShak Us Latif Khabir Rab Ne Mujhe Khabar Dee Hai Ki Ye Donon Chizein Kabhi Bhi Juda Nahin Hongi Yaha’n Tak Ki Ye Mere Paas Hawz Par Haazir Hongi Aur Aysa Un Ke Liye Mein Ne Apne Rab Se Maanga Hai.
Pas Tum Log Un Par Pesh Qadami Na Karo Ki Halaak Ho Jaawon Aur Na Hee Un Se Pichhe Raho Ki Halaak Ho Jaawo Aur Na Un Ko Sikhaaawo Kyu’n Ki Ye Tum Se Zyaada Jaante Hain Phir Aap SallAllahu Ta’ala Alayhi Wa Aalihi Wa Sallam Ne Hazrat Ali KarramAllahu Ta’ala Waj’hah-ul-Karim Ka Haath Pakad Liya Aur Farmaya :
Pas Mein Jis Kee Jaan Se Badh Kar Use Aziz Hoo’n To Ye Ali Us Ka Mawla Hai Aye Allah!
Jo Ali Ko Apna Dost Rakhta Hai Too Use Apna Dost Rakh Aur Jo Ali Se Adawat Rakhta Hai Too Us Se Adawat Rakh.”

Is Hadith Ko Imam Tabarani Ne Riwayat Kiya Hai.

[Tabarani Fi Al-Mu’jam-ul-Kabir, 05/166, Raqam-4971,

Ghayat-ul-Ijabah Fi Manaqib-il-Qarabah,/26, 27, Raqam-06.]

07/07
“Hazrat Mus’ab Bin Abd-ur-Rahman Bin Awf Apne Waalid Se Riwayat Karte Hain Ki Jab Huzoor Nabi-E-Akram SallAllahu Ta’ala Alayhi Wa Aalihi Wa Sallam Ne Makkah Fatah Kiya Us Ke Baad Aap SallAllahu Ta’ala Alayhi Wa Aalihi Wa Sallam Ta’eef Kee Taraf Rawaana Huwe Aur Aap SallAllahu Ta’ala Alayhi Wa Aalihi Wa Sallam Ne Satrah-17 Din Ya Unnis-19 Din Ta’eef Ka Muhaasarah Kiye Rakha Phir Aap SallAllahu Ta’ala Alayhi Wa Aalihi Wa Sallam Ne Khitaab Ke Liye Khade Huwe Aap SallAllahu Ta’ala Alayhi Wa Aalihi Wa Sallam Ne Allah Ta’ala Kee Hamd Wa Thana’ Bayan Kee Phir Farmaya :
Mein Apni Itrat Ke Baare Me Tumhein Bhalaayi Kee Wasiyat Karta Hoo’n Aur BeShak Tumhaara Thikaana Hawz-E-Kawthar Hoga Aur Namaz Qaayim Karoge Aur Zakaat Ada Karoge Ya Mein Tumhari Taraf Aik Ayse Aadami Ko Bhejunga Jo Mujh Me Se Hai Ya Meri Tarah Ka Hai Aur Jo Tumhaari Gardane Maarega Phir Aap SallAllahu Ta’ala Alayhi Wa Aalihi Wa Sallam Ne Hazrat Ali KarramAllahu Ta’ala Waj’hah-ul-Karim Ka Heath Pakda Aur Farmaya :
Us Aadami Se Meri Muraad Ye Hai.”

Is Hadith Ko Imam Bazzar Ne Riwayat Kiya Hai.

[Bazzar Fi Al-Musnad, 03/258, 259, Raqam-1050,

Ghayat-ul-Ijabah Fi Manaqib-il-Qarabah,/27, 28, Raqam-07.]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s