Māhe Ramaḍān aur ṣadqa-o ḳhairāt

Māhe Ramaḍān meṅ ṣadqa-o ḳhairāt karne kī faz̤īlat kyā
hai?
Ṣadqa-o ḳhairāt woh māl hai jo Allāh kī riz̤ā ke liye
ġharīb-o miskīn logoṅ ko diyā jātā hai. Zakāṫ-o ʻushr aur
ṣadqa’e fiṭr tīnoṅ wājib haiṅ. Jo un tīnoṅ meṅ se kisī ek ko adā
nah karegā, saḳht gunāhgār hogā. Un ke ʻilāwah bhī rāhe
Ḳhudā meṅ ṣadqa-o ḳhairāt karne kā bŏhat ziyādah ajr-o
s̲awāb hai aur duniyā wa āḳhirat meṅ us ke be-shumār haiṅ.
Ramaḍānu al-mubārak meṅ ṣadqa-o ḳhairāt kī faz̤īlat kā ʻilm
hameṅ Ḥuz̤ūr Nabīye Akram ṣallá Allāhu ‘alayhi wa-Ālihī wa￾sallam kī mutaʻaddid aḥādīs̲e mubārakah se miltā hai:
Ḥaz̤rat Anas bin Mālik raḍiya Allāhu ‘anhu bayān
karte haiṅ keh Ḥuz̤ūr Nabīye Akram ṣallá Allāhu ‘alayhi wa-
Ālihī wa-sallam se pūc̥hā gayā: kaun-sā ṣadqah afz̤al hai? Āp
ṣallá Allāhu ‘alayhi wa-Ālihī wa-sallam ne farmāyā: Ramaḍān
meṅ ṣadqah karnā afz̤al hai.
[Tirmid̲h̲ī fī al-Sunan, 02: 43, raqam: 663.]
Ḥaz̤rat ʻAbd Allāh bin ʻAbbās raḍiya Allāhu ‘anhumā
se marwī hai keh Ḥuz̤ūr Nabīye Akram ṣallá Allāhu ‘alayhi
wa-Ālihī wa-sallam tamām logoṅ se bar̥h kar saḳhī the.
Ramaḍān meṅ jab Ḥaz̤rat Jibrīl Amīn ‘alayhi al-salām kī Āp
ṣallá Allāhu ‘alayhi wa-Ālihī wa-sallam se mulāqāt hotī to Āp
ṣallá Allāhu ‘alayhi wa-Ālihī wa-sallam bŏhat ziyādah
saḳhāwat kyā karte the. Ḥaz̤rat Jibrīl ‘alayhi al-salām kī
mulāqāt ke waqt to Āp ṣallá Allāhu ‘alayhi wa-Ālihī wa-sallam
saḳhāwat meṅ tez hawā ke jhoṅke se bhī bar̥h jātī.
[Buḳhārī fī al-Ṣaḥīḥ, 02: 672, raqam: 1803.]
Ăhl-o ʻiyāl aur rishtah-dāron par ṣadqah karne kī kyā
faz̤īlat hai?
Ahādīs̲e mubārakah meṅ ăhl-o ʻiyāl par ṣadqah karne
kī bŏhat ziyādah faz̤īlat bayān hū’ī hai, bal-keh dūsroṅ ke
nisbat ăhl-o ʻiyāl par ṣadqah karnā ziyadah ajr-o s̲awāb kā bāʻis̲
hai.
Ḥaz̤rat Abū Hurayrah raḍiya Allāhu ‘anhu se riwāyat
hai keh Rasūl Allāh ṣallá Allāhu ‘alayhi wa-Ālihī wa-sallam
ne farmāyā:
“Ek dīnār woh hai jise tum ne Allāh Taʻālá kī rāh meṅ ḳharch kiyā, ek dīnār woh hai jise tum ne ġhulām kī āzādī ke
liye ḳharch kiyā aur ek dīnār woh hai jise tum ne miskīn par
sadaqah kiyā aur ek dīnār woh hai jise tum ne apne ăhle ḳhānah
par ḳharch kiyā, in sab meṅ sab se ziyādah ajr us dīnār par
milegā jise tum ne apne āhle ḳhānah par ḳharch kiyā.”
[Muslim fī al-Ṣaḥīḥ, 02: 692, raqam: 995.]
Ḥaz̤rat Salmān bin ʻĀmir raḍiya Allāhu ‘anhu se
riwāyat gai keh Ḥuz̤ūr Nabīye Akram ṣallá Allāhu ‘alayhi wa-
Ālihī wa-sallam ne farmāyā:
“Kisī ḥājat-mand ko ṣadqah denā (ṣirf) ṣadqah hai aur
rishtah-dār ko ṣadqah denā do ṣadaqāt (ke barābar) hai, ek
ṣadqah aur dūsrah ṣila’e raḥmī.”
[Tirmid̲h̲ī fī al-Sunan, 05: 92, raqam: 2582.]
Āj kal hamāre muʻāshare meṅ yeh aḳhlāqi maraz̤ bŏhat
ʻāmm hai keh dūsre ġhair logoṅ par to bŏhat ziyādah
nawāzishāt kī jāti haiṅ aur un par kas̲rat se ṣadqa-o ḳhairāt bhī
kiyā jātā hai lekin apne ġharīb aur mustaḥiq rishtah-dāroṅ ko
yak-sar naẓar-andāz kiyā jātā hai. Us kī wujūhāt bhī ko’ī t̥hos
nahīṅ hotīṅ bal-keh aks̲ar awqāt bad-ẓanī wa bad-gumānī aur
anā parāstī hī is be aʻtenā’ī wa be-tawjjohī kā sabab bantī haiṅ.
Mis̲āl ke ṭaur par ġharīb rishtah-dār ne ṣāḥibe s̲arwat rishtah￾dār ke ḳhilāfe manshā ko’ī bāt kar dī, us se iḳhtilāfe rā’e kar
liyā yā bil-farz̤ us amīr rishtah-dār ke bāre meṅ ko’ī bāt hī kar
dī to ṣāḥibe s̲arwat rishtah-dār dil meṅ raṅjish pāl letā hai aur
apne us ġharīb rishtah-dār kī madad karnā apne ūpar ḥarām kar
ke dohre ajr-o s̲awāb ke bāʻis̲ʻamale ḳhair se ruk jātā hai. Is se
to yeh ẓāhir hotā hai keh ham ṣadqah wa ḳhairāt us par kareṅge
jis se ham ḳhẉud rāz̤ī hoṅge nah keh jis par ḳharch karne kā
ḥukm hameṅ Islām detā hai. Goyā ham ṣadqa-o ḳhairāt kar ke
ġharīb ko apnā niyāz-mand aur eḥsān-mand banānā chāhte
haiṅ nah keh kamā-ḥaqqahū aḥkāme Ilāhī par ʻamal pairā honā
chāhte haiṅ. Is liye jo ġharīb rishtah-dār hamāre z̲ātī meʻyār
par pūrā nahīṅ utartā, ham use dhutkār dete haiṅ chāhe woh
kitnā hī mustaḥiq kyūṅ nah ho. Rishtah-dār kā ʻamal us ke
z̲immah hai, jis se yeh gargiz lāzim nahīṅ ātā keh us par ṣadqa￾o ḳhairāt hī nahīṅ bal-keh har nek ʻamal kī bajā āwrī meṅ măḥz̤
Allāh aur us ke Rasūle Mukarram ṣallá Allāhu ‘alayhi wa-
Ālihī wa-sallam kī ḳhẉushnūdī ko hī pehshe naẓar rakhnā
chāhiye aur kisī bhī ʻamal kī adā’īgī men z̲ātī pasand-o nā-
pasand ko nahīṅ dāḳhil karnā chāhiye.
Saḳhī kise kăhte haiṅ?
Allāh Taʻālá kī riz̤ā ke liye us kī rāh meṅ be-dareġh
māl ḳharch karne wāle ko saḳhī kăhte haiṅ. Ḥaz̤rat Qays bin
Salaʻ Anṣārī raḍiya Allāhu ‘anhu bayān kare haiṅ:
“Us ke bhā’iyoṅ ne Rasūl Allāh ṣallá Allāhu ‘alayhi
wa-Ālihī wa-sallam ke sāmne us kī shikāyat kī, unhoṅ ne kahā:
yeh apnā māl fuz̤ūl ḳharch kar detā hai aur us meṅ ḳhẉush
răhtā hai. Ḥuz̤ūr Nabīye Akram ṣallá Allāhu ‘alayhi wa-Ālihī
wa-sallam ne un se istifsār kiyā: Qays! Kyā bāt hai? Tere bhā’ī
tere bāre meṅ shikāyat karte haiṅ, un kā ḳhayāl hai keh tū fuz̤ūl
ḳharchī kartā hai aur us meṅ ḳhẉushī meḥsūṣ kartā hai? Maiṅ
ne ʻarz̤ kiyā: yā Rasūl Allāh! Maiṅ paidāwār meṅ se apnā
ḥiṣṣah le letā hūṅ aur use Allāh Taʻālá ke rāste meṅ aur apne
dostoṅ par ḳharch kar detā hūṅ. Rasūl Allāh ṣallá Allāhu
‘alayhi wa-Ālihī wa-sallam ne un ke sīne par hāth mār kar
farmāyā: tū ḳharch kartā răh, Allāh Taʻālá tujh par ḳharch kartā
rahegā. Yeh bāt Āp ṣallá Allāhu ‘alayhi wa-Ālihī wa-sallam ne
tīn martabah irshād farmā’ī. Is ke baʻd jab maiṅ Allāh Taʻālá
ke rāste meṅ niklā to ḥālat yeh thī keh mere pās ek sawārī thī
aur āj maiṅ apne ḳhāndān meṅ sab se ziyādah māl-o daulat
wālā aur ḳhẉush-ḥāl hūṅ.” [Ṭabarānī fī al-Muʻjam al-awsaṭ, 08: 246_247, raqam: 8536.]
Baḳhīl kise kăhte haiṅ?
Māl jamʻa kar ke roke rakhne aur Allāh kī rāh meṅ
apne sarmāyah wa daulat ko ḳharch nah karne wāle ko baḳhīl
kăhte haiṅ. Ḥaz̤rat Abū Saʻīd Ḳhudrī raḍiya Allāhu ‘anhu se marwī
hai keh Ḥuz̤ūr Nabīye Akram ṣallá Allāhu ‘alayhi wa-Ālihī
wa-sallam ne farmāyā:
“Kisī Momin meṅ yeh do ʻādateṅ jamʻa nahīṅ ho
saktīṅ: buḳhl aur bad-aḳhlāqī.”
[Tirmid̲h̲ī fī al-Sunan, 04: 343, raqam: 1962.]
Sawāl karne aur bhīk māṅgne ke bāre meṅ kyā ḥukm hai?
Dūsroṅ ke sāmne hāth phailānā, sawāl karnā aur bhīk
māṅghnā intehā’ī nā-pasndīdah aur qabīḥ feʻl hai. Islām meṅ
is kī bŏhat ziyādah maz̲ammat kī ga’ī hai.
Bilā-z̤arūrat sawāl karnā aur māṅgne meṅ iṣrāt karnā
ek maz̲mūm ʻamal hai Ḥaz̤rat ʻAbd Allāh bin ʻUmar raḍiya
Allāhu ‘anhumā se marwī hai keh Ḥuz̤ūr Nabīye Akram ṣallá
Allāhu ‘alayhi wa-Ālihī wa-sallam ne farmāyā:
“Ādamī logoṅ se hameshah sawāl kartā răhtā hai yahāṅ

tak keh woh qiyāmat wāle din is ḥālat meṅ ā’egā keh us ke
chehre par gosht kā ek t̥ukr̥ā bhī nah hogā.”
[Buḳhārī fī al-Ṣaḥīḥ, 02: 536, raqam: 1405.]
Ḥaz̤rat Abū Hurayrah raḍiya Allāhu ‘anhu se riwāuyat
hai keh Ḥuz̤ūr Nabīye Akram ṣallá Allāhu ‘alayhi wa-Ālihī
wa-sallam ne farmāyā:
“Jis ne ġhinā kī ḥālat meṅ logoṅ se sawāl kiyā (yaʻnī
bhīk māṅgī) to woh jahannam kī āg ke aṅgāroṅ kā sawāl kartā
hai, ab use iḳhtiyār hai keh woh (aṅgāre) kam ḥāṣil kare yā
ziyādah.”
[Ibn Mājah fī al-Sunan, 01: 589, raqam: 1838.]
Islām meṅ sawāl karne aur bhīk māṅgne kī ḥadd darjah
maz̲ammat is liye kī ga’ī hai keh is se muʻāshare meṅ kām nah
karne kā māḥaul parwān char̥htā hai aur muʻāsharah majmūʻī
ṭaur par kām-chorī wa ġhaflat kā maẓhar ban jātā hai. Jab-keh
Islām to ek aisā Dīn hai jo apne pairokāroṅ meṅ hamah waqt
taḥarruk aur kām karne kā jaz̲bah dekhnā chāhtā hai. Hāth par
hāth dhare bait̥he răhnā aur yeh inteẓār karnā keh Allāh Taʻālá
Ḳhayru al-Rāziqīn hai aur woh ḳhẉud hī hamāre liye rizq bhej
degā yā dusroṅ ke sāmne hāth phailāne aur unheṅ apnī
majbūriyāṅ batā kar bhīk māṅgne kī Islām meṅ qaṭʻan
gunjā’ish nahīṅ hai. Allāh Taʻālá ne to apne Ḥabībe Mukarram
ṣallá Allāhu ‘alayhi wa-Ālihī wa-sallam ko bhī yeh ḥukm
farmāyā thā keh păhle umūre ḥayāt wa kārhā’e ummat adā kiye

jā’eṅ aur baʻd meṅ ʻibādate Ilāhī kī ṭaraf rāġhib ho jā’e. Irshād
hotā hai:
Pas jab Āp (taʻlīme ummat, tablīġh-o jihād aur” فَإِذَا َف َ َغْت َ فَانص َ بْ وَ إلَِى رَبِّكَ فَارْغَبْ
adā’īgiye farā’iz̤se) fāriġh hoṅ to (z̲ikr-o ʻibādat meṅ) meḥnat
farmāyā kareṅ. Aur apne Rabb kī ṭaraf rāġhib ho jāyā kareṅ.”
[Al-Insharāḥ, 94: 07_08.]
Ḥaz̤rat Abū Hurayrah riwāyat karte haiṅ keh Ḥuz̤ūr
Nabīye Akram ṣallá Allāhu ‘alayhi wa-Ālihī wa-sallam kā
farmāne aqdas hai:
“Qasam hai us z̲āt kī jis ke qabz̤e meṅ marī jān hai!
Aġar tum meṅ se ko’ī rassī le kar lakr̥iyoṅ kā gat̥t̥hā apnī pīt̥h
par ut̥hā’e to yeh us se behtar hai keh woh sawāl kartā phire to
ko’ī use de aur ko’ī nah de.”
[Buḳhārī fī al-Ṣaḥīḥ, 02: 535, raqam: 1401.]
Yahī waj·h hai keh Ṣaḥāba’e kirām riḍwānu Allāhi
Ta‘ālá ‘alayhim ajma‘īn sawāl karne ke bāre men ḥadd darjah
eḥtiyāt karte the. Ḥaz̤rat Abū Saʻīd Ḳhudrī raḍiya Allāhu ‘anhu
riwāyat karte haiṅ: “Merī wālidah ne (shadīd z̤arūrat ke tăḥt kuc̥h māṅgne
ke liye) mujhe Rasūl Allāh ṣallá Allāhu ‘alayhi wa-Ālihī wa￾sallam kī ḳhidmate aqdas meṅ bhejā, maiṅ ḥāz̤ir ho kar bait̥h
gayā. Āp ṣallá Allāhu ‘alayhi wa-Ālihī wa-sallam apna ruḳhe
anwar merī ṭaraf kar ke bait̥he aur irshād farmāyā: jo shaḳhṣ
logoṅ se be-niyāz hogā Allāh Taʻālá use logoṅ se be-niyāz kar
degā aur jo shaḳhṣ sawāl se bachegā Allāh Taʻālá use
bachā’egā aur jo shaḳhṣ thor̥e māl par kifāyat karegā Allā
Taʻālá use kifāyat degā aur jo shaḳhṣ bhīk māṅgegā ḥālāṅ-keh
us ke pās ek ūqīyah (chālīs dirham – 122.472 grām) ke barābar
māl hogā to us ne ilḥāf kiyā (yaʻnī gir̥ girā kar bhīk māṅgī).
Maiṅ ne apne dil meṅ kahā keh merī Yāqūtah nāmī ūṅt̥nī ek
ūqīyah se bar̥h kar hai. Maiṅ wāpas āyā aur Āp ṣallá Allāhu
‘alayhi wa-Ālihī wa-sallam se sawāl nahīṅ kiyā.”
[Aḥmad ibn Ḥanbal fī al-Musnad, 03: 07, 11059.]
Maz̲kūrah bālā riwāyāt se s̲ābit ho jātā hai keh Islām
meṅ gadāgarī kitnā maz̲mūm ʻamal hai. Sawāl karne aur hāth
phailāne kī ijāzat ṣirf aur ṣirf intehā’ī majbūrī kī ḥālat meṅ hai
bal-keh yeh kăhnā ziyādah munāsib hogā keh jān bachāne jaisī
majbūrī kī ḥālat meṅ hī sawāl karne kī ijāzat hai.
Bhīk māṅgne aur dūsroṅ ke sāmne hāth phailāne ke
ʻādat dar aṣl nah ṣirf afrād-o aqwām ko iqteṣādi ṭaur par pasmāṅdah kar deti hai bal-keh yeh kăḥnā ziyādah munāsib hogā
keh daste sawāl darāz karne kī ʻādate qabīḥ se aqwām nafsānī
wa rūḥānī ṭaur bhī majrūḥ hotī hai.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s