Hadith Sayyidah Fatimah سلام الله عليها Ke Gharaane Ka Ahl-E-Bayt Aur Ahl-E-Keesa’ Hone Ka Bayan

Sayyidah Fatimah سلام الله عليها Ke Gharaane Ka Ahl-E-Bayt Aur Ahl-E-Keesa’ Hone Ka Bayan

Hazrat Safiyyah Bint Shaybah RadiyAllahu Ta’ala Anha Riwayat Karti Hain Ki Hazrat Aaisha RadiyAllahu Ta’ala Anha Bayan Karti Hain Ki Huzoor Nabi-E-Akram SallAllahu Ta’ala Alayhi Wa Aalihi Wa Sallam Sub’h Ke Waqt Baahar Tashrif Laaye Us Haal Me Aap SallAllahu Ta’ala Alayhi Wa Aalihi Wa Sallam Ne Aik Chaadar Audhi Huee Thi Jis Par Siyaah Oon Se Kajaawon Ke Naqsh Bane Huwe They.
Hazrat Hasan Bin Ali RadiyAllahu Ta’ala Anhuma Aaye To Aap SallAllahu Ta’ala Alayhi Wa Aalihi Wa Sallam Ne Unhein Us Chaadar Me Daakhil Kar Liya, Phir Hazrat Husain RadiyAllahu Ta’ala Anhu Aaye Aur Un Ke Hamraah Chaadar Me Daakhil Ho Gaye, Phir Sayyidah Fatimah RadiyAllahu Ta’ala Anha Aaye Aur Aap SallAllahu Ta’ala Alayhi Wa Aalihi Wa Sallam Ne Un Ko Is Chaadar Me Daakhil Kar Liya, Phir Hazrat Ali KarramAllahu Ta’ala Waj’hah-ul-Karim Aaye To Aap SallAllahu Ta’ala Alayhi Wa Aalihi Wa Sallam Ne Unhein Bhi Chaadar Me Le Liya.
Phir Aap SallAllahu Ta’ala Alayhi Wa Aalihi Wa Sallam Ne Ye Aayat-E-Mubaraka Padhi :
“Aye Ahl-E-Bayt!
Allah To Yahi Chaahta Hai Ki Tum Se (Har Tarah Kee) Aaludagi Durr Kar De Aur Tum Ko Khoob Paak-O-Saaf Kar De.”

Is Hadith Ko Imam Muslim Ne Riwayat Kiya Hai.

[Muslim Fi As-Sahih, 04/1883, Raqam-2424,

Ibn Abi Shaybah Fi Al-Musannaf, 06/380, Raqam-36102,

Ahmad Bin Hanbal Fi Faza’il-us-Sahabah, 02/672, Raqam-1149,

Ibn Rahwayh Fi Al-Musnad, 03/678, Raqam-1271,

Hakim Fi Al-Mustadrak, 3/169, Raqam-4707,

Bayhaqui Fi As-Sunan-ul-Kubra, 02/149,

Tabari Fi Jami’-ul-Bayan, 22/06, 07,

Ghayat-ul-Ijabah Fi Manaqib-il-Qarabah,/71, 72, Raqam-62.]

Parwarda-E-Nabi Hazrat Umar Bin Abi Salmah RadiyAllahu Ta’ala Anhu Se Riwayat Hai Ki Jab Huzoor Nabi-E-Akram SallAllahu Ta’ala Alayhi Wa Aalihi Wa Sallam Par Hazrat Umme Salama Ke Ghar Me Ye Aayat-E-Mubaraka……. Aye Ahl-E-Bayt!
Allah To Yahi Chaahta Hai Ki Tum Se (Har Tarah Kee) Aaludagi Durr Kar De Aur Tum Ko Khoob Paak Wa Saaf Kar De…… Naazil Huee.
To Aap SallAllahu Ta’ala Alayhi Wa Aalihi Sallam Ne Hazrat Fatimah, Hazrat Hasan Aur Hazrat Husain RadiyAllahu Ta’ala Anhum Ko Bulaaya Aur Aik Kamli Me Dhaanp Liya.
Hazrat Ali KarramAllahu Ta’ala Waj’hah-ul-Karim Huzoor Nabi-E-Akram SallAllahu Ta’ala Alayhi Wa Aalihi Wa Sallam Ke Pichhey They, Aap SallAllahu Ta’ala Alayhi Wa Aalihi Wa Sallam Ne Unhein Bhi Kamli Me Dhaanp Liya, Phir Farmaya :
Elaahi !
Yeh Mere Ahl-E-Bayt Hain,
In Se Najaasat Dur Kar De Aur In Ko Khoob Paak Wa Saaf Kar De.”

Is Hadith Ko Imam Tirmidhi Aur Ahmad Ne Riwayat Kiya Hai.

[Tirmidhi Fi As-Sunan, 05/351, 663, Raqam-3205,

Ahmad Bin Hanbal Fi Al-Musnad, 06/292,
Ahmad Bin Hanbal Fi Faza’il-us-Sahabah, 02/587, Raqam-994,

Hakim Fi Al-Mustadrak, 02/451, Raqam-3558, &
03/158, Raqam-4705,

Tabarani Fi Al-Mu’jam-ul-Awsat, 03/52, Raqam-2662,

Ghayat-ul-Ijabah Fi Manaqib-il-Qarabah,/72, 73, Raqam-63.]

Hazrat Anas Bin Maalik RadiyAllahu Ta’ala Anhu Se Riwayat Hai Ki Chheh-06 Maah Tak Huzoor Nabi-E-Akram SallAllahu Ta’ala Alayhi Wa Aalihi Wa Sallam Ka Ye Ma’mool Raha Ki Jab Namaz-E-Fajr Ke Liye Nikalte Aur Hazrat Fatimah Salam-ul-Allahi Alayha Ke Darwazah Ke Paas Se Guzarte To Farmaate :

Aye Ahl-E-Bayt !
Namaz Qaa’im Karo (Aur Phir Ye Aayat-E-Mubaraka Padhte: )……….. Aye Ahl-E-Bayt!
Allah Chaahta Hai Ki Tum Se (Har Tarah Kee) Aaludagi Durr Kar De Aur Tum Ko Khoob Paak Wa Saaf Kar De.”

Is Hadith Ko Imam Tirmidhi Aur Ahmad Ne Riwayat Kiya Hai.

[Tirmidhi Fi As-Sunan, 05/352, Raqam-3206,

Ahmad Bin Hanbal Fi Al-Musnad, 03/259, 285,

Ahmad Bin Hanbal Fi Faza’il-us-Sahabah, 02/761, Raqam-1340, 1341,

Ibn Abi Shaybah Fi Al-Musannaf, 06/388, Raqam-32272,

Shybani Fi Al-Ahad Wa’l-Mathani, 05/360, Raqam-2953,

Abdullah Bin Humayd Al-Musnad,/367, Raqam-12223,

Hakim Fi Al-Mustadrak, 03/172, Raqam-4748,

Ghayat-ul-Ijabah Fi Manaqib-il-Qarabah,/73, Raqam-64.]

Hazrat Aboo Saeed Khudri RadiyAllahu Ta’ala Anhu Ne Allah Ta’ala Ke Is Irshad-E-Mubarakah……. Aye Ahl-E-Bayt!
Allah To Yahi Chaahta Hai Ki Tum Se (Har Tarah Kee) Aaludagi Durr Kar De…….. Ke Baare Me Kaha Hai Ki Ye Aayat-E-Mubaraka Paanch-05 Hastiyon…….. Huzoor Nabi-E-Akram SallAllahu Ta’ala Alayhi Wa Aalihi Wa Sallam, Hazrat Ali, Hazrat Fatimah, Hazrat Hasan Aur Hazrat Husain RadiyAllahu Ta’ala Anhum………. Ke Baare Me Naazil Huee.”

Is Hadith Ko Imam Tabarani Ne Riwayat Kiya Hai.

[Tabarani Fi Al-Mu’jam-ul-Awsat, 03/380, Raqam-3456,

Tabarani Fi Al-Mu’jam-us-Saghir, 01/231, Raqam-375,

Ibn Hibban Fi Tabqat-ul-Muhaddithin Bi-Asbahan, 03/384,

Khatib Fi Tarikh Baghdad, 10/278,

Tabarani Fi Jami’-ul-Bayan, 22/07,

Ghayat-ul-Ijabah Fi Manaqib-il-Qarabah,/74, Raqam-65.]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s