Hadeeṡ e Nabawi

18622103_1044951628972694_5218387106485969118_n

Hazrate Abu Huraira radiy-Allāhu ta’ala anhu se riwaayat hai ki :
Huzoor Nabi e kareem sallallāhu alaihi wa sallam ne farmaaya ki
‘Jab Maah e Ramazaan ki pehli raat hoti hai to shaitaan aur sarkash jin qaid kar liye jaate hain aur Jahannam ke darwaaze band kar diye jaate hain aur un me se koi darwaaza khola nahi jaata aur Jannat ke darwaaze khol diye jaate hain aur un me se koi darwaaza band nahi kya jaata aur Munaadi pukaarta hai, Aye khair ki talab karne wale, Mutawajjeh ho aur burai ka iraada rakhne wale burai se baaz reh aur ALLĀH ta’ala bahot se logo ko dozakh se aazad karta hai aur har raat aisa hota hai.’

(Tirmizi;
Ibne Maajah)

 Hazrat Shaikh Abdul Haq Mohaddeeṡ rahmatullāhi alaihi is Hadees ki sharah me likhte hain ki
‘Aasmaan ke darwaaze khol diye jane ka matlab lagaatar rahmat ka bheja jaana aur bagair kisi rukaawat ke Khuda ki baargah me amal ka pahuchna aur dua ka qabool hona
Aur Jannat ke darwaaze khol diye jaane ka matlab achhe amal ki taufeeq aur husn e qubool ata farmana
Aur dozakh ke darwaaze band kiye jaane ka matlab hai rozadaro ke nufoos ko buri baato ki aaloodgi se paak karna aur gunaaho par ubhaarne wali cheezo se najaat paana aur dil se lazzato ke haasil hone ki khwaahish ka todna
Aur shaitaano ko zanjiro me jakad diye jaane ka matlab bure khayaalo ke raaste ka band ho jaana.’

(Ash’atul Lam’aat, Jild -2, Safa -62)

*************** *****
Ramazaan ka mubarak mahina aa raha hai.
Jis me ALLĀH ta’ala Shaitaan ko qaid me daal deta hai.

ALLĀH ke karam se is mahine me Mo’mino me zyada Ibaadat karne ka jazba aur dilchaspi paida hoti hai.
Wo apne Rab ta’ala ko raazi karne ke liye Roza, Namaaz, Tilaawat e Qur’an, Zikr, Durood o salaam, Zakaat, Sadqa, Khairat karte rehte hain.

Aur ALLĀH ta’ala is mubarak mahine me har neki ka sawaab zyada ata karta hai aur Duaen bhi jaldi qubool farmata hai.

*************** *****
Lekin kuchh musalman Maah e Ramazaan me bhi kai baar gunaah kar dete hain.

Ye baat hume sochne par majboor karti hai ke
Agar shaitaan ko qaid me daala gaya hai to aisa kyun hota hai?

Shaitaan ko ma’aloom hota hai ke Maah e Ramazaan me mujhe qaid kar liya jaayega aur Main Mo’mino ko behka nahi sakunga.
Is liye wo Ramazaan aane se pehle Muslamano ko un ke nafs ke zariye zyada behkaana shuru kar deta hai. Aur is liye jab Ramazaan me use qaid kar liya jaata hai tab bhi jis ka nafs zyada taaqatwar hota hai us ka nafs use behkaakar gunaah ki taraf le jaata hai.
Aur use is ka ehsaas nahi hota ke is mubarak mahine me wo neki karne ke badle gunaah kar raha hai.
Kyun ki us ka nafs us ke qalb par ghaalib ho jaata hai.

Lekin kuchh khushqismat hote hain jin ko waqt par gunaah se bachne taufiq mil jaati hai aur gunaah se bach jaate hain.

*************** *****
ALLĀH ta’ala us ke Habeeb sallallāhu alaihi wa sallam ke sadqe me
Sab ko mukammal ishq e Rasool ata farmae aur Maah e Ramazaan ki ta’azeem karne ki aur is me sahi tareeqe se zyada ibaadat karne ki aur is ke foyuz o barkaat haasil karne ki taufiq ata farmae aur gunaaho se bachne ki taufiq ata farmae aur hamare nek amal qubool farmae aur Sab ko dunya aur aakhirat me bhalai aur kaamyaabi ata farmae aur Maah e Ramazaan ko humare liye bakhshish ka zaria banaaye.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s