Muawiya Ne Hazrat Hujr Bin Adi رض Ko Dardnaak Shaheed Karwaye

Muawiya Ne Hazrat Hujr Bin Adi رض Ko Dardnaak Shaheed Karwaye Aur Iski Wajah Ye Thi Ki Aap رض Shiyane Ali Thae Aur Ye Log Jummah Ki Namaz Mein Der Karte Thae Aur Mimbaron Par Maula Ali ع Pe Shabbo Sitam Karte Thae Aur Hazrat Hujr Bin Adi Inki Mukhalifat Karte Thae 😢

Mazab Bin Abdullah Zubairi Farmate Hein Hazrat Hujr Bin Adi Kindi رض Ki Kunniyat “Abu Abdul Rehman” Thi Aap Rasoolullah Sallallahu Alaihi Wasallam Ke Bargah Mein Aaye Thae, Junge Qaadsiyah, Junge Jamal Aur Junge Siffin Mein Hazrat Ameer Al Mu’minin Sayyedna Imam Ali ع Ke Humrah Shareek Huye Thae Muawiya Bin Abu Sufiyan Ne Unko Maqam Marj Azra Par Shaheed Kardiya.

(Al Mustadrak, Jild-5)

Ziyad Bin Alasa Farmate Hein Maine Hujr Bin Adi Al-Adbar رض Ko Dekha Jab Ziyad Ne Unko Muawiya Ki Janib Bheja Toh Unki Kaifiyat Ye Thi Ke Unko Oonth Ke Saath Ek Janib Bandha Gaya Tha Aur Unke Paon Ek Janib Latak Rahe Thae.

(Al Mustadrak, Jild-5)

Muhammad Bin Shirin Farmate Hein Ziyad Ne Khutbah Lamba Kardiya Toh Hazrat Hujr Bin Adi رض Ne Kaha Namaz Ka Waqt Ho Chuka Hai Lekin Ziyad Ne Apna Khutbah Jari Rakha Hazrat Hujr Ne Dobara Kaha Ke Namaz Ka Waqt Ho Chuka Hai Aur Saath Apna Haath Zameen Mein Mara, Saath He Dusre Logo’n Ne Bhi Haath Zameen Par Mare Ziyad Mimbar Se Neeche Utra Aur Namaz Padha Di Aur Hazrat Hujr رض Ke Baare Mein Muawiya Ki Janib Khat Likha Muawiya Ne Jawabi Maktub Mein Likha Ke Unko Mere Pas Bhejdo Ziyad Ne Unko Muawiya Ke Pas Bhej Diya Jab Hazrat Hujr Bin Adi رض Muawiya Ke Pas Pohche Toh Kaha Mein Na Tujhse Koi Baat Karunga Aur Na Teri Sununga Muawiya Ne Unke Qatl Ka Hukm De Diya Jab Unko Qatl Keliye Le Ja Rahe Thae Toh Unhone Namaz Padhne Ke Liye Kuch Der Mohlat Ka Mutalba Kiya Unko Mohlat Di Gayi Aapne Do Rakat Namaz Padhi Fir Farmaya Meri Bediyan Mujhse Na Utarna Aur Na He Mere Jism Se Mera Khun Dhona Mujhe Mere Inhi Kapdon Mein Kafan Dena Kyunki Qayamat Wale Din Pule Sirat Mai, Mein Muawiya Ka Gireban Pakdunga.

(Al Mustadrak, Jild-5)

Hazrat Saad Bin Masayyab Marwan Ka Ye Bayan Naql Karte Hein Marwan Kehta Hai Ke Mein Muawiya Ke Humrah Hazrat Aayesha Ki Khidmat Mein Hazir Hua Toh Aayesha Ne Kaha Tune Hujr Bin Adi رض Aur Unke Saathiyon Ko Qatl Kiya Hai Aur Unke Saath Tumne Bohot Ziyadti Ki Hai.

(Al Mustadrak, Jild-5)

Hazrat Nafe Farmate Hein Jab Hazrat Hujr Bin Adi رض Ko Muawiya Ki Janib Bheja Ja Raha Tha Log Bohot Hairan Thae Aur Puchte Thae Ke Hujr Bin Adi رض Ka Kasur Kya Hai? Ye Khabar Hazrat Abdullah Bin Umar Tak Pohchi Woh Us Waqt Bazar Mein Kisi Jagah Ruposh Thae, Aapne Ruposhi Khatm Ki Aur Logo’n Ke Darmiyan Aa Gaye Jab Woh Wapas Jaa Rahe Toh Mein Unki Phut Phut Kar Rone Ki Awaazein Sun Raha Tha.

(Al Mustadrak, Jild-5)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s